| Ms. line: 29 | Tho antuurtita Iohannes inti quad: |
| Ms. line: 30 | meistar, gisahomes sihuuenan |
| Ms. line: 31 | in thinemo namen uzuuerfenten |
| Ms. line: 1 | diuuala, inti uuir uueritomes inan, |
| Ms. line: 2 | ther dar ni uolget uns. |
| Ms. line: 3 | Tho quad der heilant: ni curet |
| Ms. line: 4 | biuueren imo: nioman ist |
| Ms. line: 5 | ther dar tuoa megin |
| Ms. line: 6 | in minemo namen inti mugi sliumo |
| Ms. line: 7 | ubilo sprechen uon mir. |
| Ms. line: 8 | Ther dar nist uuidar íu, |
| Ms. line: 9 | furi iuuih ist. |
| Ms. line: 10 | Uúe mittilgarte fon asuuichin! |
| Ms. line: 11 | Notdurft ist thaz quemen |
| Ms. line: 12 | asuuicha, thoch uuidoro uúe |
| Ms. line: 13 | manne thuruh then quimit asuuih! |
| Ms. line: 14 | Oba thin hant odo thin fuoz |
| Ms. line: 15 | bisuuicha thih, abasnit inan |
| Ms. line: 16 | inti aruuirf fon thir: |
| Ms. line: 17 | guot ist thir zi libe ingangen |
| Ms. line: 18 | uuanaheilan odo halzan, |
| Ms. line: 19 | thanna zuua henti odo zuuene fuozi |
| Ms. line: 20 | habenten gisentit uuerde in euuin fiur. |
| Ms. line: 21 | Inti oba thin ouga thih bisuuicha, |
| Ms. line: 22 | uzlosi iz inti aruuirf fon thir: |
| Ms. line: 23 | guot ist thir einougen |
| Ms. line: 24 | in libe richison, |
| Ms. line: 25 | thanna zuuei ougun habenten |
| Ms. line: 26 | gisentit uuerden in hellifiur, |
| Ms. line: 27 | thar iro uuurm ni stirbit |
| Ms. line: 28 | inti fiur ni arlisgit. |
| Ms. line: 29 | Allero giuuelih mit fiure uuirdit gisalzen, |
| Ms. line: 30 | inti éogilih bluostar |
| Ms. line: 31 | salza uuirdit gisalzan. |
