| Ms. line: 1 | Gisehet thaz ir ni uornidaret |
| Ms. line: 2 | einan fon thesen luzilon; |
| Ms. line: 3 | ih quidu íu, thaz iro engila |
| Ms. line: 4 | in himilun simbulun gisehant |
| Ms. line: 5 | annuzi mines fater |
| Ms. line: 6 | thes dar in himile ist. Quam |
| Ms. line: 7 | ther mannes sun heilan |
| Ms. line: 8 | thaz dar uoruuard. |
| Ms. line: 9 | Inti quad her tho zi in thesa |
| Ms. line: 10 | ratissa quedenti: |
| Ms. line: 11 | uuaz ist iu gisehan? |
| Ms. line: 12 | oba uuemo uuerdant |
| Ms. line: 13 | cehenzog scafo inti uorirrot |
| Ms. line: 14 | ein fon ín, eno ía uorlazit |
| Ms. line: 15 | niun inti niunzog in bergon |
| Ms. line: 16 | odo in uuostinna inti ferit |
| Ms. line: 17 | thaz suochen thaz dar giirrota? |
| Ms. line: 18 | Inti oba iz giburit thaz her iz fintit, |
| Ms. line: 19 | arheuit iz in sina scultra giuehenti, |
| Ms. line: 20 | inti thanne quementi zi sinemo huse |
| Ms. line: 21 | gihalot sine friunta inti nahiston |
| Ms. line: 22 | quedenti in: giuehet |
| Ms. line: 23 | mit mir, uuanta ih fant min scaf |
| Ms. line: 24 | thaz dár uoruuard. |
| Ms. line: 25 | Uuar quidu ih íu, uuanta her giuihit |
| Ms. line: 26 | ubar thaz mer thanna ubar |
| Ms. line: 27 | niun inti niunzog |
| Ms. line: 28 | thiu dar ni giirrotun |
| Ms. line: 29 | inti ni bithurfun riuua. |
| Ms. line: 30 | So nist uuillo |
| Ms. line: 31 | fora iuuaramo fater |
| Ms. line: 1 | ther dar in himile ist, thaz uoruuerde |
| Ms. line: 2 | ein fon thesen luzilon. |
| Ms. line: 3 | Odo uuelih uuib habet zehen dragmas, |
| Ms. line: 4 | oba siu uorliusit eina dragma, |
| Ms. line: 5 | eno ia inbrennit leohtfaz |
| Ms. line: 6 | inti aruuolit thaz hus inti suochit |
| Ms. line: 7 | ageleizo unzin sie fintit? |
| Ms. line: 8 | Inti mittiu siu thanne fintit, gihalot |
| Ms. line: 9 | friuntinna inti nahiston quedenti: |
| Ms. line: 10 | giuehet mit mir, |
| Ms. line: 11 | uuanta ih fant thie dragmam |
| Ms. line: 12 | thie ih uorlós. |
| Ms. line: 13 | So quidu ih íu: giueho ist |
| Ms. line: 14 | in himile fora gotes engilun |
| Ms. line: 15 | ubar einan suntigan |
| Ms. line: 16 | riuua tuontan |
| Ms. line: 17 | thanne ubar niuni inti niunzug |
| Ms. line: 18 | rehte thie ni bithurfun riuua. |
