| Ms. line: 7 | Abur sprah in ther heilant |
| Ms. line: 8 | sus quedanti: ih bim lioht mittiligartes. |
| Ms. line: 9 | Thie mir folget ni gêt |
| Ms. line: 10 | in finstarnessin, ouh habet lioht |
| Ms. line: 11 | libes. Sentence: 2 Thô quadun imo thie Pharisei: |
| Ms. line: 12 | thû fon thir selbemo giuuiznessi |
| Ms. line: 13 | sages: thîn giuuiznes nist uuâr. |
| Ms. line: 14 | Thô antlingita ther heilant inti quad in: |
| Ms. line: 15 | inti oba ih giuuiznessi sagen |
| Ms. line: 16 | fon mir selbemo, uuâr ist |
| Ms. line: 17 | mîn giuuiznessi, uuanta ih uueiz |
| Ms. line: 18 | uuanan ih quam inti uuara ih faru: |
| Ms. line: 19 | ir ni uuizut uuanan ih quimu |
| Ms. line: 20 | odo uuara ih faru. Sentence: 4 Ir after fleiske |
| Ms. line: 21 | tuomet, ih ni tuomu niomannen. |
| Ms. line: 22 | Oba ih tuomu, mîn tuom |
| Ms. line: 23 | ist thanne uuâr, uuant ih eino ni bim, |
| Ms. line: 24 | ouh ih inti thie mih santa, ther fater. |
| Ms. line: 25 | Inti in íuuaru éuuu ist giscriban: |
| Ms. line: 26 | zueiero manno giuuiznessi |
| Ms. line: 27 | ist uuâr. Ih bim thie giuuiznessi |
| Ms. line: 28 | sagen fon mir selbemo, |
| Ms. line: 29 | inti giuuiznessi saget fon mir |
| Ms. line: 30 | ther mih santa, thie fater. |
| Ms. line: 31 | Thô quadun sie imo: uuâr ist thîn fater? |
| Ms. line: 1 | Thô antlingita ther heilant: |
| Ms. line: 2 | noh ir mih ni uuizut noh minan fater: |
| Ms. line: 3 | oba ir mih uuestit, odouuân |
| Ms. line: 4 | ir mînan fater uuestit. |
| Ms. line: 5 | Ih faru inti ir suohhet mih |
| Ms. line: 6 | inti in íuuaru suntu arsterbet ir. |
| Ms. line: 7 | Thara ih faru thara ni mugut ir quemen. |
| Ms. line: 8 | Thô quadun thie Iudæi: eno ni |
| Ms. line: 9 | arslehit her sih selbon, uuanta |
| Ms. line: 10 | her quidit: thara ih faru, ir ni mugut |
| Ms. line: 11 | thara quemen? Sentence: 8 Thô quad her in: |
| Ms. line: 12 | ir birut fon nidana, ih bim fon then ûflihhun. |
| Ms. line: 13 | Ir birut fon derro uueralti, ih ni bim |
| Ms. line: 14 | fon therro uueralti. Ih quidu íu |
| Ms. line: 15 | thaz ir arsterbet in íuuaren suntun: |
| Ms. line: 16 | oba ir ni giloubet thaz ih bim, |
| Ms. line: 17 | thanne arsterbet ir in íuuaro suntu. |
| Ms. line: 18 | Thô quadun sie imo: uuer bistu? |
| Ms. line: 19 | Thô quad in ther heilant: anagin, |
| Ms. line: 20 | thaz íh íu sprihhu. Managu haben ih |
| Ms. line: 21 | fon íu zi sprehhanne inti zi tuomenne. |
| Ms. line: 22 | Ouh ther mih santa ther ist uuâr, |
| Ms. line: 23 | inti thiu ih gihorta fon imo |
| Ms. line: 24 | thiu sprihhu ih in mittiligarte. |
| Ms. line: 25 | Inti sie ni furstuontun thaz her then fater |
| Ms. line: 26 | in quad got. Sentence: 11 Tho quad in ther heilant: |
| Ms. line: 27 | mit thiu ir arheuet then mannes sun, |
| Ms. line: 28 | thanne furstantet ir iz thaz ih iz bim |
| Ms. line: 29 | inti fon mir selbemo niouuiht tuon, |
| Ms. line: 30 | ouh so mih lérta thie fater, |
| Ms. line: 31 | thiu sprihhu ih. Inti thie mih santa |
| Ms. line: 1 | ther ist mit mir: her ni furlazit mih einon, |
| Ms. line: 2 | uuanta ih thiu imo lihhent |
| Ms. line: 3 | tuon simbolum. Sentence: 12 Thisu imo sprehhentemo |
| Ms. line: 4 | manage giloubtun in inan. |
| Ms. line: 5 | Tho quad ther heilant zi then |
| Ms. line: 6 | thie imo giloubtun Iudon: |
| Ms. line: 7 | oba ir uuonet in minemo uuorte, |
| Ms. line: 8 | zi uuare birut ir thanne mine iungiron |
| Ms. line: 9 | inti ir furstantet thanne uuar |
| Ms. line: 10 | inti uuar arlósta iuuih. |
| Ms. line: 11 | Thô antlingitun sie imo: |
| Ms. line: 12 | uuir birun Abrahames samo inti niomanne |
| Ms. line: 13 | thionotumes ío in altere: |
| Ms. line: 14 | vvuo quidistu: ir birut frige? |
| Ms. line: 15 | Thô antlingita in ther heilant: |
| Ms. line: 16 | uuâr uuâr quidu ih iú, |
| Ms. line: 17 | bithiu allero giuuelih thie sunta tuot |
| Ms. line: 18 | ther ist suntun scalc. |
| Ms. line: 19 | Scalc ni uuonet in húse |
| Ms. line: 20 | zi éuuidu: ther sun uuonet zi éuuidu. |
| Ms. line: 21 | Oba ther sun iúuih arlosit, |
| Ms. line: 22 | thanne birut ir uúarlihho frige. |
| Ms. line: 23 | Ih uueiz thaz ir Abrahames barn birut: |
| Ms. line: 24 | ouh ir suohhet mih zi arslahenne, |
| Ms. line: 25 | uuanta min uuort ni bifahit in iú. |
| Ms. line: 26 | Thaz ih gisah mit minemo fater thaz sprihhu ih, |
| Ms. line: 27 | inti ir thiu ir gisahut mit fater |
| Ms. line: 28 | íuuuaremo thaz tuot ir. |
| Ms. line: 29 | Thó antlingitun sie inti quadun imo: |
| Ms. line: 30 | unser fater ist Abraham. |
| Ms. line: 31 | Thó quad in ther heilant: |
| Ms. line: 1 | oba ir Abrahames kind sit, |
| Ms. line: 2 | thanne tuot ir uuerc Abrahames. |
| Ms. line: 3 | Nu suohhet ir mih zi arslahenne, |
| Ms. line: 4 | man ther íu uuâr sprah, thiu ih gi- |
| Ms. line: 5 | -horta fon gote: |
| Ms. line: 6 | thaz ni teta Abraham. |
| Ms. line: 7 | Ir tuot iúuares fater uuerc. |
| Ms. line: 8 | Tho quadun sie imo: |
| Ms. line: 9 | uuir ni birumes fon huore giborane: |
| Ms. line: 10 | einan fater haben uuir, got. |
| Ms. line: 11 | Tho quad in ther heilant: |
| Ms. line: 12 | oba got iúuar fater uuari, thanne |
| Ms. line: 13 | minnotit ir mih. |
| Ms. line: 14 | Ih fon gote framgieng inti quam, |
| Ms. line: 15 | noh ih fon mir selbemo ni quam, |
| Ms. line: 16 | oh her mih santa. |
| Ms. line: 17 | Bithiu ni furstantet ir mina sprahha, |
| Ms. line: 18 | uuanta ir ni mugut gihóren mîn uuort. |
| Ms. line: 19 | Ir birut fon fater diuuale |
| Ms. line: 20 | inti lusta iúuares fater uuollet ir tuon. |
| Ms. line: 21 | Ther uuas manslago fon anaginne |
| Ms. line: 22 | inti in uuare ni gistuont, |
| Ms. line: 23 | uuanta nist uúar in imo: |
| Ms. line: 24 | mit thiu her sprihhit lugina, |
| Ms. line: 25 | fon sinen eiganen sprihhit, uuanta |
| Ms. line: 26 | her luggi ist inti sín fater. |
| Ms. line: 27 | Ih uuârlihho uuanta ih uuâr quidu, |
| Ms. line: 28 | ni giloubet ir mir. |
| Ms. line: 29 | Uuer fon eu thuuengit mih fon suntun? |
| Ms. line: 30 | Ob ih uuâr quidu, bihiu ni giloubet |
| Ms. line: 31 | ir mir? |
| Ms. line: 1 | Ther fon gote ist ther horit gotes uuort; |
| Ms. line: 2 | bithiu ni gihoret ir, uuanta ir fon |
| Ms. line: 3 | gote ni birut. |
| Ms. line: 4 | Thô antlingitun thie Iudæi |
| Ms. line: 5 | inti quadun imo: |
| Ms. line: 6 | eno ia queden uuir uuola uuanta |
| Ms. line: 7 | Samaritanisc bistu in diuual habes? |
| Ms. line: 8 | Thó antlingita ther heilant: ih ni |
| Ms. line: 9 | haben diuual, uzouh ih éru |
| Ms. line: 10 | minan fater inti ir intéret mih. |
| Ms. line: 11 | Ih ni suohhu mina diurida: |
| Ms. line: 12 | ther ist ther suohhit inti tuomit. |
| Ms. line: 13 | Uuâr uuâr quidu ih iú, |
| Ms. line: 14 | so uuer so mîn uuort biheltit, tôd |
| Ms. line: 15 | ni gisihit her zi éuuidu. |
| Ms. line: 16 | Thó quadun thie Iudaei: |
| Ms. line: 17 | nu furstantemes thaz thú diuual habes: |
| Ms. line: 18 | Abraham ist tót inti uuizagon, |
| Ms. line: 19 | inti thu quidis: |
| Ms. line: 20 | so uuer mîn uuort biheltit |
| Ms. line: 21 | ni gicorot todes zi êuuidu. |
| Ms. line: 22 | Noh thû mero bist unsaremo fater |
| Ms. line: 23 | Abrahame, thie thar tôt ist, inti |
| Ms. line: 24 | uuîzagon sint ouh tote. |
| Ms. line: 25 | Uuen tuos thu thih selbon? |
| Ms. line: 26 | Thô antlingita ther heilant: ob ih diurison |
| Ms. line: 27 | mih selbon, thanne min diurida niouuiht ist: |
| Ms. line: 28 | ist mîn fater thie mih diurit, |
| Ms. line: 29 | then quedet ir thaz her îuuar got si, |
| Ms. line: 30 | inti ir ni furstuontut inan; ih uuârlihho |
| Ms. line: 31 | uueiz inan, inti ob ih quidu thaz ih inan ni uuizzi, |
| Ms. line: 1 | thanne bim îu gilih luggi; |
| Ms. line: 2 | uzouh ih uueiz inan inti sín uuort bihaltu. |
| Ms. line: 3 | Abraham îuuar fater gifah thaz her |
| Ms. line: 4 | gisah minan tag, inti her sah |
| Ms. line: 5 | inti gifah. Sentence: 25 Tho quadun thie Iudei zi imo: |
| Ms. line: 6 | finfzug iaro noh ni habes, |
| Ms. line: 7 | vvuo gisahi thu Abrahaman? |
| Ms. line: 8 | Tho quad in ther heilant: uuâr uuâr quidu ih îu, |
| Ms. line: 9 | er thanne Abraham uuari, er bim ih. |
| Ms. line: 10 | Tho namun sie steina thaz sie vvurphin in inan. |
| Ms. line: 11 | Her tho barg sih inti gienc uz |
| Ms. line: 12 | fon themo tempale. |
