| Ms. line: 24 | Uuarun heidane sume fon then |
| Ms. line: 25 | thie dar stigun thaz sie betotin |
| Ms. line: 26 | in themo itmalen tage. |
| Ms. line: 27 | Thie giengun ci Philippe, |
| Ms. line: 28 | ther uuas fon Bethsaidu Galileæ, |
| Ms. line: 29 | inti batun inan sus quedenti: |
| Ms. line: 30 | hérro, uuir uuollemes then heilant |
| Ms. line: 31 | gisehan. Tho quam Philippus |
| Ms. line: 1 | inti quad Andreæ, |
| Ms. line: 2 | Andreas abur inti Philippus |
| Ms. line: 3 | quadun themo heilante. |
| Ms. line: 4 | Ther heilant antlingita in |
| Ms. line: 5 | quedenti: cumit cit |
| Ms. line: 6 | in theru gidiurit uuirdit |
| Ms. line: 7 | mannes sun. |
| Ms. line: 8 | Uuar uuar quidih îu, |
| Ms. line: 9 | nibi thaz corn thinkiles |
| Ms. line: 10 | fallenti in erda |
| Ms. line: 11 | tót uuirdit, thaz selba eino |
| Ms. line: 12 | uuonet: ob iz erstirbit, |
| Ms. line: 13 | managan uuahsmon bringit. |
| Ms. line: 14 | Thie dar minnot sin ferah, |
| Ms. line: 15 | thie forliosez; thie dar hazzot |
| Ms. line: 16 | sin ferah in therru uueralti, |
| Ms. line: 17 | in euuin lib giheltit iz. |
| Ms. line: 18 | Oba uuer mir ambahte, |
| Ms. line: 19 | mir folge: thar ih bin |
| Ms. line: 20 | thar ist min ambaht. |
| Ms. line: 21 | Oba uuer mir ambahtit, |
| Ms. line: 22 | inan gihéret min fater. |
| Ms. line: 23 | Nu min sela gitruobit ist. |
| Ms. line: 24 | Inti uuaz quidu? Fater, |
| Ms. line: 25 | giheili mih fon theru stuntu! |
| Ms. line: 26 | Thurah thaz quam ih in thesa cit. |
| Ms. line: 27 | Fater, giberehto thinan namon! |
| Ms. line: 28 | Quam stemma fon himile: |
| Ms. line: 29 | inti ih giberehtota |
| Ms. line: 30 | inti abur giberehton. |
| Ms. line: 31 | Thiu menigi thiu dar stuont |
| Ms. line: 1 | inti gihorta quadun |
| Ms. line: 2 | thaz thonar gitan uuari, |
| Ms. line: 3 | andere quadun: engil |
| Ms. line: 4 | sprah zi imo. Tho antlingita |
| Ms. line: 5 | ther heilant inti quad: |
| Ms. line: 6 | nalles thurah mih thisiu stemma quam, |
| Ms. line: 7 | oh thurah îuuuih. |
| Ms. line: 8 | Nu ist duom thesses mittilgartes: |
| Ms. line: 9 | nu ther herosto thesses mittilgartes |
| Ms. line: 10 | uuirdit eruuorpfan uz. |
| Ms. line: 11 | Inti ih, ob ih erhaban uuirdu |
| Ms. line: 12 | fon erdu, alliu thinsu |
| Ms. line: 13 | zi mir selbemo. Thaz quad her |
| Ms. line: 14 | gizeihanonti uuelihemo tode |
| Ms. line: 15 | sterbenti uuari. |
| Ms. line: 16 | Tho antlingita imo thiu menigi: |
| Ms. line: 17 | uuir gihortumes fon theru evvu |
| Ms. line: 18 | uuanta Christ uuonet zi euuidu, |
| Ms. line: 19 | inti vvuo quidistu: gilinpfit |
| Ms. line: 20 | zi erhefanne mannes sun? |
| Ms. line: 21 | Uuer ist ther mannes sun? |
| Ms. line: 22 | Tho quad ther heilant: noh |
| Ms. line: 23 | nu ist lucil lioht in îu. |
| Ms. line: 24 | Geet unz ir lioht habet, |
| Ms. line: 25 | thaz iuuuih finstarnessi ni bifahe: |
| Ms. line: 26 | thie dar in finstarnesse geet |
| Ms. line: 27 | ni uueiz uuara her ferit. |
| Ms. line: 28 | Mit diu ir lioht habet, |
| Ms. line: 29 | giloubet in lioht, |
| Ms. line: 30 | thaz ir liohtes barn sít. |
