| Ms. line: 7 | Mit diu cumit |
| Ms. line: 8 | ther mannes sun in sineru mihhilnessi |
| Ms. line: 9 | inti alle engila mit imo, |
| Ms. line: 10 | thanne sizzit her obar sedal |
| Ms. line: 11 | sinera mihhilnessi. |
| Ms. line: 12 | Inti gisamanot uuerdent |
| Ms. line: 13 | furi inan allo thiota, |
| Ms. line: 14 | inti thanne zisceidit her sie |
| Ms. line: 15 | untar zuisgen, so hirti |
| Ms. line: 16 | zisceidit scáf fon zigon, |
| Ms. line: 17 | inti sezzit thiu scáf |
| Ms. line: 18 | fon sineru zesavvun |
| Ms. line: 19 | inti thio zigun fon sineru uuinistrun. |
| Ms. line: 20 | Thanne quidit ther cunig then |
| Ms. line: 21 | thie fon sineru zesavvun sint: |
| Ms. line: 22 | quemet, ir gisegenoton |
| Ms. line: 23 | mines fater, inti gisizzet |
| Ms. line: 24 | íu garo ríhhi |
| Ms. line: 25 | fon anaginne uueralti. |
| Ms. line: 26 | Mih hungrita inti ir gabut mir |
| Ms. line: 27 | ézzan, mih thursta |
| Ms. line: 28 | inti ir gabut mir trincan, |
| Ms. line: 29 | ih uuas gast inti ir halotut mih, |
| Ms. line: 30 | nacot inti ir bithactut mih, |
| Ms. line: 31 | ummahtic inti ir uuisotut min, |
| Ms. line: 1 | in carkere uuas inti ir quamut zi mir. |
| Ms. line: 2 | Tho antlingitun imo |
| Ms. line: 3 | thie rehton inti quadun: |
| Ms. line: 4 | trohtin, uuanne gisahun uuir thih |
| Ms. line: 5 | hungrentan inti fuotritun thih, |
| Ms. line: 6 | thurstentan inti gabunmes thir |
| Ms. line: 7 | trinkan? uuanne |
| Ms. line: 8 | gisahun uuir thih gast uuesentan |
| Ms. line: 9 | inti gihalotunmes thih, |
| Ms. line: 10 | oda nacotan inti bithactumes? |
| Ms. line: 11 | oda uuanne gisahumes thih |
| Ms. line: 12 | ummahtigan oda in carkere |
| Ms. line: 13 | inti quamunmes zi thir? |
| Ms. line: 14 | Inti antlingenti ther cunig |
| Ms. line: 15 | quidit in: uuar quidih íu, |
| Ms. line: 16 | so lango so ir tatut einemo |
| Ms. line: 17 | fon thesen minen bruoderon |
| Ms. line: 18 | minniston, thanne tatut ir iz mir. |
| Ms. line: 19 | Thanne quidit her then |
| Ms. line: 20 | thie zi sineru uuinistrun sint: |
| Ms. line: 21 | eruuizzet fon mir, ir foruuergiton, |
| Ms. line: 22 | in euuin fiur, |
| Ms. line: 23 | thaz dar garo ist themo diufale |
| Ms. line: 24 | inti sinen engilon. |
| Ms. line: 25 | Mih hungrita inti ir ni gabut |
| Ms. line: 26 | mir ezzan, mih thursta |
| Ms. line: 27 | inti ir ni gabut mir trincan, |
| Ms. line: 28 | ih uuas gast iuti ir ni gihalotut mih, |
| Ms. line: 29 | nacot inti ir ni bithactut mih, |
| Ms. line: 30 | ummahtic inti in carkere |
| Ms. line: 31 | inti ir ni uuisotut min. |
| Ms. line: 1 | Thanne antlingent sie |
| Ms. line: 2 | inti quedent: trohtin, uuanne |
| Ms. line: 3 | gisahun uuir thih hungrentan |
| Ms. line: 4 | oda thurstentan oda gast |
| Ms. line: 5 | oda nacotan oda ummahtigan |
| Ms. line: 6 | oda in carkere |
| Ms. line: 7 | inti ni ambahtitumes thir? |
| Ms. line: 8 | Thanne antlingit her in quedenti: |
| Ms. line: 9 | uuar quidih íu, so lango |
| Ms. line: 10 | so ir ni tatut einemo |
| Ms. line: 11 | fon then minniron, |
| Ms. line: 12 | noh mir ni tatut. |
| Ms. line: 13 | Inti farent thie in euuinaz uúizzi, |
| Ms. line: 14 | thie rehton in euuin líb. |
