| Ms. line: 5 | Tho quad er: sum edili man |
| Ms. line: 6 | gieng in ferra lantscaf |
| Ms. line: 7 | intfahan imo rihhi |
| Ms. line: 8 | inti abur uuidaruuerban. |
| Ms. line: 9 | Gihaloten tho sinen zehen scalcon |
| Ms. line: 10 | gab in zehen mnas |
| Ms. line: 11 | inti quad zi in: coufot |
| Ms. line: 12 | unz ih cumu. Sentence: 3 Sine burgliuti |
| Ms. line: 13 | hazzotun inan, |
| Ms. line: 14 | inti santun botescaf |
| Ms. line: 15 | after imo quedente: |
| Ms. line: 16 | ni uuollemes thesan rihhison |
| Ms. line: 17 | obar unsih. Sentence: 4 Inti uuard tho, |
| Ms. line: 18 | mit diu her uuidaruuarb |
| Ms. line: 19 | intfanganemo rihhe, gibót tho |
| Ms. line: 20 | thaz man gihaloti sine scalca |
| Ms. line: 21 | then her gab then scaz, |
| Ms. line: 22 | thaz her uuesti uuio filu iro giuuelih |
| Ms. line: 23 | giscazzot uuari. |
| Ms. line: 24 | Tho quam ther eristo quedenti: hérro, |
| Ms. line: 25 | thin mna gihalota zehen mnas. |
| Ms. line: 26 | Her quad imo: gifih, thu guoto scalc: |
| Ms. line: 27 | bithiu thu in luzilemo gitriuui uuari, |
| Ms. line: 28 | bist giuualt habenti |
| Ms. line: 29 | obar zehen burgi. Sentence: 6 Inti ander quam |
| Ms. line: 30 | quedenti: trohtin, thin mna |
| Ms. line: 31 | teta fimf mnas. |
| Ms. line: 1 | Themo quad her: ouh thu uuis |
| Ms. line: 2 | obar fimf burgi. |
| Ms. line: 3 | Inti ander quam quedenti: |
| Ms. line: 4 | herro, senu thin mna, |
| Ms. line: 5 | thia ih habeta gihaltana |
| Ms. line: 6 | in sueizduohhe: |
| Ms. line: 7 | ih forahta, |
| Ms. line: 8 | uuanta thu grim man bist, |
| Ms. line: 9 | nimist thaz thu ni sáztos |
| Ms. line: 10 | inti arnost thaz thu ni sátos. |
| Ms. line: 11 | Tho quad er imo: |
| Ms. line: 12 | fon thinemo munde thih duomu, |
| Ms. line: 13 | thu abuho scalc. |
| Ms. line: 14 | Bithiu ih grim man bin, |
| Ms. line: 15 | nimu thaz ih ni sazta |
| Ms. line: 16 | inti arnon thaz ih ni sata: |
| Ms. line: 17 | inti bihiu ni gabi thu |
| Ms. line: 18 | minan scaz zi mázzu, |
| Ms. line: 19 | inti ih quementi mit phrasamen |
| Ms. line: 20 | thaz erbeitti? |
| Ms. line: 21 | Inti azstantenten quad: |
| Ms. line: 22 | nemet fon imo thia mnam |
| Ms. line: 23 | inti gebet themo |
| Ms. line: 24 | therde zehen mnas habet. |
| Ms. line: 25 | Inti quadun imo: |
| Ms. line: 26 | herro, her habet zehen mnas. |
| Ms. line: 27 | Ih quidu íu, |
| Ms. line: 28 | thaz íogiuuelihhemo habentemo |
| Ms. line: 29 | uuirdit gigeban, fon themo |
| Ms. line: 30 | therde ni habet, |
| Ms. line: 31 | thaz er habet uuirdit erfirrit |
| Ms. line: 1 | fon imo. |
| Ms. line: 2 | Thoh uúidero mine fiianta |
| Ms. line: 3 | thiede ni uuoltun mih |
| Ms. line: 4 | rihhison obar sie |
| Ms. line: 5 | leitet hera |
| Ms. line: 6 | inti erslahet fora mir. |
