| Ms. line: 1 | Uuas tho linenti ein |
| Ms. line: 2 | fon sinen iungiron |
| Ms. line: 3 | in barme thes heilantes, |
| Ms. line: 4 | then minnota ther heilant. |
| Ms. line: 5 | Tho bouhnita themo Simon Petrus |
| Ms. line: 6 | inti quad imo: uuer ist |
| Ms. line: 7 | fon themo er quidit? |
| Ms. line: 8 | Giuuesso mit diu er lineta |
| Ms. line: 9 | obar brust thes heilantes, |
| Ms. line: 10 | quad imo: trohtin, uuer ist? |
| Ms. line: 11 | Themo antlingita ther heilant: |
| Ms. line: 12 | ther ist iz themo ih |
| Ms. line: 13 | thaz githuncoto brót gibu. |
| Ms. line: 14 | Mit diu er thuncota thaz brót, |
| Ms. line: 15 | gab Iudase Simone Scariothe. |
| Ms. line: 16 | Inti after themo bizzen |
| Ms. line: 17 | tho gieng in inan Satanas. |
| Ms. line: 18 | Tho quad imo ther heilant: |
| Ms. line: 19 | thaz thu tuos tuoz sliumor. |
| Ms. line: 20 | Thaz ni uuesta nioman |
| Ms. line: 21 | thero sizzentono |
| Ms. line: 22 | zi uuiu er thaz quad. |
| Ms. line: 23 | Sume uuantun, |
| Ms. line: 24 | uuanta seckil habeta Iudas, |
| Ms. line: 25 | thaz imo ther heilant quadi: |
| Ms. line: 26 | coufi thiu uns thurft sint |
| Ms. line: 27 | ci themo itmalen tage, |
| Ms. line: 28 | oda armen thaz er sihuuaz gabi. |
| Ms. line: 29 | Tho antlingita Iudas |
| Ms. line: 30 | ther inan salta, quad: |
| Ms. line: 31 | eno bin ih iz, meistar? |
| Ms. line: 1 | Tho quad imo: thu quadi. |
| Ms. line: 2 | Mit diu er tho intfieng then bízzon, |
| Ms. line: 3 | gieng sliumo úz: uúas sliumo naht. |
| Ms. line: 4 | Mit diu er tho uzgieng, |
| Ms. line: 5 | tho quad ther heilant: |
| Ms. line: 6 | Nu ist giberehtot |
| Ms. line: 7 | mannes sun, inti got |
| Ms. line: 8 | ist giberehtot in imo, |
| Ms. line: 9 | inti got giberehtot inan |
| Ms. line: 10 | in imo selbemo inti sliumo giberehtota inan. |
