Ms. line: 11 | In tho zi muose sizzenten |
Ms. line: 12 | intfieng ther heilant brot |
Ms. line: 13 | inti uuihita inti brah |
Ms. line: 14 | inti gab sinen iungiron quedenti: |
Ms. line: 15 | intfahet inti ezzet: |
Ms. line: 16 | thiz ist min lihamo, |
Ms. line: 17 ![]() | thaz furi iuuuih ist gigeban. |
Ms. line: 18 | Intfieng tho then kelih, |
Ms. line: 19 | thanc teta inti segenota |
Ms. line: 20 | inti gab in sus quedenti: |
Ms. line: 21 | trinket fon thisu alle: |
Ms. line: 22 ![]() | thiz ist min bluot |
Ms. line: 23 | niuues giuuiznesses, |
Ms. line: 24 | thaz dar furi íuuuih |
Ms. line: 25 | inti manage uuirdit ergozzan |
Ms. line: 26 | in forláznessi suntono. |
Ms. line: 27 | Ih quidu íu: |
Ms. line: 28 | ni trinkih fon nu |
Ms. line: 29 | fon thesemo berde uuinrebun |
Ms. line: 30 | unzan then tag |
Ms. line: 31 | thanne ih trinku mit íu |
Ms. line: 1 | niuuaz in mines fater rihhe. |
Ms. line: 2 | Thaz duot ir in mina gimunt. |
Ms. line: 3 | Tho quad trohtin: Simon, Simon, |
Ms. line: 4 | senu nu Satanas gerot îuuuer, |
Ms. line: 5 | thaz er iuuuih ritro samaso uúeizzi. |
Ms. line: 6 ![]() | Ih betota furi thih, |
Ms. line: 7 | thaz ni cigange thin giloubo, |
Ms. line: 8 | inti thu sihuuanne giuuentit |
Ms. line: 9 | gifestino thine bruoder. |
Ms. line: 10 | Kindilin, noh nu luzzila stunta |
Ms. line: 11 | bin ih mit íu: ir suohet mih, |
Ms. line: 12 | inti sosih quad then Iudeis: |
Ms. line: 13 | thara ih faru thara ni mugut ir |
Ms. line: 14 | coman, inti ih quidu íu nuuua. |
Ms. line: 15 | Niuui bibot gibu ih íu nu, |
Ms. line: 16 | thaz ir îuuuih minnot untar zuisgen, |
Ms. line: 17 | sosih iuuuih minnota, |
Ms. line: 18 | thaz ir iuuuih minnot untar zuisgen. |
Ms. line: 19 | In thiu forstanten alle |
Ms. line: 20 | thaz ir mine iungiron birut, |
Ms. line: 21 | ob ir minna habet |
Ms. line: 22 | untar zuisgen. |