Ms. line: 23 | Tho quad imo Simon Petrus: |
Ms. line: 24 | trohtin, uuara ueris? |
Ms. line: 25 | Tho antlingita imo ther heilant: |
Ms. line: 26 | thara ih faru ni maht mir |
Ms. line: 27 | nu folgen: thu folges mir |
Ms. line: 28 | after thiu. |
Ms. line: 29 | Tho quad in ther heilant: |
Ms. line: 30 | alle ir asuuih tholet |
Ms. line: 31 | in mir in therru naht. |
Ms. line: 1 | Giscriban ist: |
Ms. line: 2 | ih slahu then hirti, |
Ms. line: 3 | inti uuerdent zispreitit |
Ms. line: 4 | thiu scáf thes euuites. |
Ms. line: 5 ![]() | After thiu ih erstantu, |
Ms. line: 6 | furifaru iuuuih in Galileam. |
Ms. line: 7 | Tho antlingita Petrus, |
Ms. line: 8 | quad imo: inti oba sie alle |
Ms. line: 9 | bisuihane uuerdent in thir, |
Ms. line: 10 | ih nio in altere ni uuirdu bisuihan, |
Ms. line: 11 | thie dar mit dir garo bin |
Ms. line: 12 | oda in carkeri oda in tód zi faranne: |
Ms. line: 13 | mina sela sezzu furi thih. |
Ms. line: 14 | Tho antlingita ther heilant: |
Ms. line: 15 | thina sela furi mih sezzis? |
Ms. line: 16 | Uuar uuar quidu ih thir, |
Ms. line: 17 ![]() | uuanta in therru naht, |
Ms. line: 18 | er thanne hano singe, |
Ms. line: 19 | thriio stunt forsehhis mih. |
Ms. line: 20 | Tho quad imo Petrus: |
Ms. line: 21 | zisperi oba mir gilimphit |
Ms. line: 22 | mit dir zi sterbanne, |
Ms. line: 23 | thanne ni forlougnu thin. |
Ms. line: 24 | Sama quadun alle thie iungiron. |