Ms. line: 13 | Tho quad imo Iudas, |
Ms. line: 14 | nalles therde Scariothis heizzit: |
Ms. line: 15 | trohtin, uuaz ist gitan, |
Ms. line: 16 | bithiu uuanta uns gioffanonti bist |
Ms. line: 17 | thih selbon, nalles thesemo mittilgarte? |
Ms. line: 18 | Tho antlingita ther heilant |
Ms. line: 19 | inti quad imo: |
Ms. line: 20 | oba uuer mih minnot, |
Ms. line: 21 | uuort min heltit, |
Ms. line: 22 | inti min fater minnot inan, |
Ms. line: 23 | inti zi imo comenmes |
Ms. line: 24 | inti uuonunga tuomes mit imo. |
Ms. line: 25 | Therde mih ni minnot |
Ms. line: 26 | minu uuort ni heltit, |
Ms. line: 27 | inti uuort thaz ir gihortut |
Ms. line: 28 | nist min, oh thes |
Ms. line: 29 | ther mih santa, fater. |
Ms. line: 30 | Thisu sprah ih íu |
Ms. line: 31 | mit iu uuonenti. |
Ms. line: 1 | Ther fluobareri heilac geist, |
Ms. line: 2 | then der fater sentit |
Ms. line: 3 | in minemo namen, |
Ms. line: 4 | her lerit íuuuih allu |
Ms. line: 5 | inti spenit iuuuih alles, |
Ms. line: 6 | so uuelihiu so ih íu giquidu. |
Ms. line: 7 | Ih forlazzu íu sibba: |
Ms. line: 8 | mina sibba gibu ih íu, |
Ms. line: 9 | nalles soso thisu uueralt gibit |
Ms. line: 10 | gibu ib íu. |
Ms. line: 11 | Ni si gitruobit íuuuer herza |
Ms. line: 12 | noh ni forhtet [!]. |
Ms. line: 13 ![]() | Gihortut ir thiu ih íu quad: |
Ms. line: 14 | ih faru inti quimu zi íu. |
Ms. line: 15 | Ob ir mih minnotit, |
Ms. line: 16 | thanne gifahit ir, |
Ms. line: 17 | uuanta ih faru zi themo fater, |
Ms. line: 18 | uuanta ther fater mero mir ist. |
Ms. line: 19 ![]() | Inti nu quidu ih íu |
Ms. line: 20 | er thannez uuerde, |
Ms. line: 21 | thannez gitán uuerde, |
Ms. line: 22 | thaz ir iz giloubet. |
Ms. line: 23 ![]() | Iu ni managiu sprihu mit íu: |
Ms. line: 24 | cumit ther herosto |
Ms. line: 25 | thesses mittilgartes |
Ms. line: 26 | inti in mir ni habet niouuiht, |
Ms. line: 27 ![]() | oh thaz forstante these mittilgart |
Ms. line: 28 | thaz ih minnon then fater, |
Ms. line: 29 | inti so mir bibot gab |
Ms. line: 30 | ther fater so tuon ih. |