Ms. line: 31 | Inti quad in: |
Ms. line: 1 | thanne ih iuuuih santa |
Ms. line: 2 | uzzan seckil inti burdref |
Ms. line: 3 | inti giscuohi, |
Ms. line: 4 | eno uuas íu iouuiht thes uuan? |
Ms. line: 5 ![]() | Sie quadun imo: niouuiht. |
Ms. line: 6 | Tho quad her in: |
Ms. line: 7 | oh nu therde habe seckil |
Ms. line: 8 | neme, sama sin burdref, |
Ms. line: 9 | inti therde ni habe forcoufe |
Ms. line: 10 | sina tunihun inti coufe suuert. |
Ms. line: 11 | Ih quidu íu, bithiu uuanta noh nu |
Ms. line: 12 | thaz dar giscriban ist |
Ms. line: 13 | gilimpfit gifullit uuerdan in mir, |
Ms. line: 14 | inti thaz dar mit unrehten bizelit ist. |
Ms. line: 15 | Thiu dar fon mir sint |
Ms. line: 16 | enti habent. |
Ms. line: 17 | Sie tho quadun: trohtin, |
Ms. line: 18 | senu nu zuei suuert hier. |
Ms. line: 19 | Her quad in tho: ginuog ist: |
Ms. line: 20 | erstantet, inti games hina. |
Ms. line: 21 | Inti immine giquetanemo |
Ms. line: 22 | uzgiengun tho after giuuonun |
Ms. line: 23 | in berc oliboumo. |