| Ms. line: 24 | Tho quad her in: ih bin uuar uuinreba, |
| Ms. line: 25 | inti min fater acarbigengiri ist. |
Ms. line: 26  | Iogiuuelih uuinloub in mir |
| Ms. line: 27 | ni tragenti uuahsmon, |
| Ms. line: 28 | nimit iz thana, |
| Ms. line: 29 | inti iogiuuelihaz thaz uuahsmon tregit, |
| Ms. line: 30 | reinit iz, |
| Ms. line: 31 | thaz iz uuahsmon mer bere. |
| Ms. line: 1 | Ir birut iu reine |
| Ms. line: 2 | thurah thaz uuort |
| Ms. line: 3 | thaz ih íu sprah: |
| Ms. line: 4 | uuonet in mir inti ih in íu. |
| Ms. line: 5 | So thaz uuinloub ni mac |
| Ms. line: 6 | beran uuahsmon |
| Ms. line: 7 | fon imo selbemo, nibiz uuone |
| Ms. line: 8 | in theru uuinrebun, |
| Ms. line: 9 | so ir nibi ir in mir uuonet. |
| Ms. line: 10 | Ih bin uuinreba, inti ir birut uuinbletir: |
| Ms. line: 11 | ther der in mir uuonet |
| Ms. line: 12 | inti ih in imo, ther birit |
| Ms. line: 13 | mihilan uuahsmon, |
| Ms. line: 14 | uuanta uzzan mih |
| Ms. line: 15 | ni mugut ir niouuiht duon. |
| Ms. line: 16 | Oba uuer in mir ni uuonet, |
| Ms. line: 17 | uuirdit uzgisentit samaso uuinloub |
| Ms. line: 18 | inti thorret, inti lesent siu |
| Ms. line: 19 | inti uuerpfent in fuir, |
| Ms. line: 20 | inti brinnent. |
| Ms. line: 21 | Ob ir uuonet in mir |
| Ms. line: 22 | inti minu uuort in íu uuonent, |
| Ms. line: 23 | so uuaz so ir uuollet |
| Ms. line: 24 | bittet, inti uuirdit íu. |
| Ms. line: 25 | In thiu giberehtot ist min fater |
| Ms. line: 26 | thaz ir mihilan uuahsmon bringet |
| Ms. line: 27 | inti sit gifremite mine iungiron. |
| Ms. line: 28 | Soso mih min fater minnota, |
| Ms. line: 29 | inti ih minnota íuuuih: |
| Ms. line: 30 | uuonet in mineru minnu. |
| Ms. line: 31 | Ob ir min bibot haltet, |
| Ms. line: 1 | thanne uuonet ir in mineru minnu, |
| Ms. line: 2 | sosih mines fater |
| Ms. line: 3 | bibot bihielt |
| Ms. line: 4 | inti uuonen in sineru minnu. |
