| Ms. line: 5 | Thiz sprah ih íu, |
| Ms. line: 6 | thaz min gifeho si gifullit. |
| Ms. line: 7 | Thaz ist min bibot |
| Ms. line: 8 | thaz ir íuuuih minnot untar zuuisgen |
| Ms. line: 9 | so ih íuuuih minnota. |
| Ms. line: 10 | Merun therra minna |
| Ms. line: 11 | nioman habet thanne thaz |
| Ms. line: 12 | uuer sin ferah seze |
| Ms. line: 13 | furi sina friunta. |
| Ms. line: 14 | Ir birut mine friunta, |
| Ms. line: 15 | ob ir thaz duot thaz ih íu gibiutu. |
| Ms. line: 16 | Ih ni quidu íu iu scalca, |
| Ms. line: 17 | uuanta scalc ni uueiz uuaz duot |
| Ms. line: 18 | sin hérro. Ih quidu iuuuih friunta, |
| Ms. line: 19 | uuanta allu thiu ih gihorta |
| Ms. line: 20 | fon minemo fater tetih íu cundiu. |
| Ms. line: 21 | Noh ir mih gicurut, |
| Ms. line: 22 | uz ih gicos iuuuih, |
| Ms. line: 23 | inti sazta iuuuih thaz ir fuorit, |
| Ms. line: 24 | thaz ir fruht brahtit |
| Ms. line: 25 | inti iuuuer fruht uuone, |
| Ms. line: 26 | thaz so uuaz so ir bitet |
| Ms. line: 27 | then fater in minemo namen, |
| Ms. line: 28 | gebe íu. |
