| Ms. line: 22 | Tho quadun imo sine iungiron: |
| Ms. line: 23 | senu nu ofano sprihis |
| Ms. line: 24 | inti biuurti nohhein ni quidist. |
| Ms. line: 25 | Nu uuizumes thaz thu allu uueist |
| Ms. line: 26 | inti nist dir thurft |
| Ms. line: 27 | thaz thih íoman frage: |
| Ms. line: 28 | in thiu giloubemes |
| Ms. line: 29 | thaz thu fon gote uzgiengi. |
| Ms. line: 30 | Tho antlingita in ther heilant: |
| Ms. line: 31 | fon nu giloubet ir? |
| Ms. line: 1 | Senu cumit zit, inti nu iu cumit, |
| Ms. line: 2 | thaz ir uuerdet zispreite |
| Ms. line: 3 | einero giuuelih in eiganu, |
| Ms. line: 4 | inti mih einon forlazzet, |
| Ms. line: 5 | inti ih ni bin eino, |
| Ms. line: 6 | uuanta ther fater mit mir ist. |
| Ms. line: 7 | Thisu sprah ih íu, |
| Ms. line: 8 | thaz in mir habet sibba. |
| Ms. line: 9 | In therru uueralti habet ir thrucnessi, |
| Ms. line: 10 | oh gitruuuet: |
| Ms. line: 11 | ih ubaruuan thesa uueralt. |
