| Ms. line: 12 | Thisu sprah ther heilant, |
| Ms. line: 13 | inti uferhabanen ougon in himil |
| Ms. line: 14 | zi themo fater quad: |
| Ms. line: 15 | quam zít, giberehto thinan sun, |
| Ms. line: 16 | thaz thin sun thih giberehto, |
| Ms. line: 17 | soso thu imo gabi giuualt |
| Ms. line: 18 | íogiuuelihes fleisges, |
| Ms. line: 19 | thaz allen then du imo gabi |
| Ms. line: 20 | gebe in euuin líb. |
| Ms. line: 21 | Thiz ist euuin lib, |
| Ms. line: 22 | thaz sie thih forstanten einan got uuaran, |
| Ms. line: 23 | inti then du santos, heilant Crist. |
| Ms. line: 24 | Ih thih giberehtota obar erdu, |
| Ms. line: 25 | uuerc gientota |
| Ms. line: 26 | thaz du mir gabi thaz ih iz tati, |
| Ms. line: 27 | inti nu giberehto mih, fater, |
| Ms. line: 28 | mit dir selbemo |
| Ms. line: 29 | in theru fagarnessi thih habeta |
| Ms. line: 30 | er thanne uueralt uuari mit thir. |
| Ms. line: 31 | Ih giougozorhtota thinan namon |
| Ms. line: 1 | mannon thie du mir gabi |
| Ms. line: 2 | fon uueralti: thine uuarun |
| Ms. line: 3 | inti mir sie gabi, |
| Ms. line: 4 | inti thin uuort bihieltun. |
| Ms. line: 5 | Nu forstuontun uuanta allu |
| Ms. line: 6 | thiu du mir gabi fon thir sint, |
| Ms. line: 7 | uuanta uuort thiu du mir gabi |
| Ms. line: 8 | gab ih in, inti sie intfiengun |
| Ms. line: 9 | inti forstuontun zi uuare |
| Ms. line: 10 | thaz ih fon thir úzgieng, |
| Ms. line: 11 | inti giloubtun thaz du mih santos. |
