| Ms. line: 6 | Abur andera stunt gieng inti betota. |
| Ms. line: 7 | Tho eroucta sih engil fon himile |
| Ms. line: 8 | inan strengisonti. |
| Ms. line: 9 | Uuard tho giuuentit in guota ernust |
| Ms. line: 10 | Inti langor betota |
| Ms. line: 11 | quedenti: min fater, oba ni mag |
| Ms. line: 12 | these kelih furifaran |
| Ms. line: 13 | nibih in trinke, |
| Ms. line: 14 | uuese thin uuillo. |
| Ms. line: 15 | Uuart tho sin sueiz |
| Ms. line: 16 | samaso tropfo bluotes |
| Ms. line: 17 | rinnenti in erda. |
| Ms. line: 18 | Inti mit diu her stuont, |
| Ms. line: 19 | quam abur zi sinen iungiron |
| Ms. line: 20 | inti fand sie slafente |
| Ms. line: 21 | thurah gitruobnessi. |
| Ms. line: 22 | Uuarun tho iro ougun gisuaretiu, |
| Ms. line: 23 | inti ni uuestun |
| Ms. line: 24 | uuaz sie imo antuurtitin. |
| Ms. line: 25 | Inti in forlazzanen |
| Ms. line: 26 | gieng abur inti betota thritun stunt |
| Ms. line: 27 | thaz selba uuort quedenti. |
| Ms. line: 28 | Tho quam her zi sinen iungiron |
| Ms. line: 29 | inti quad in: slafet inti restet: |
| Ms. line: 30 | nu nahlihhot thiu zit, |
| Ms. line: 31 | inti mannes sun uuirdit giselit |
| Ms. line: 1 | in hant suntigero. |
| Ms. line: 2 | Erstét inti gemes: senu nu nahlihhot |
| Ms. line: 3 | therde mih selit. |
