| Ms. line: 11 | Et ait illi quidam: domine, | Inti quad imo tho sum: trúhtin, |
| Ms. line: 12 | ergo pauci sunt qui salvi fiant? | fohe sint thie dar heile uuerden? |
| Ms. line: 13 | Ipse autem dixit ad illos: | Her quad zi ín: |
| Ms. line: 14 | contendite intrare | flizet íngangan |
| Ms. line: 15 | per angustam portam, | thuruh thia éngun phorta, |
| Ms. line: 16 | quia multi, dico vobis, | bidiu uuanta manage, quidu íu, |
| Ms. line: 17 | quaerunt intrare | súohtun inzigangenne |
| Ms. line: 18 | et non potuerunt. | inti ni móhtun. |
| Ms. line: 19 | Cum autem intraverit | Mittiu ingengit |
| Ms. line: 20 | pater familias | fater thes híuuisges |
| Ms. line: 21 | et cluserit ostium, | inti bislíuzit thia túri, |
| Ms. line: 22 | et incipietis foris stare | thanne bigínnet ir uze stán |
| Ms. line: 23 | et pulsare dicentes: | inti clofon sus quędente: |
| Ms. line: 24 | domine, aperi nobis, | truhtin, intuo úns, |
| Ms. line: 25 | et respondens dicit: | inti her antuurtenti qúidit: |
| Ms. line: 26 | nescio vos unde sitis. | ni uueiz íuuuih uuanan ir sít. |
| Ms. line: 27 | Tunc incipietis dicere: | Thanne biginnet ir quædan: |
| Ms. line: 28 | manducavimus coram te | uuir azumes fora thir |
| Ms. line: 29 | et bibimus | inti truncumes, |
| Ms. line: 30 | et in plateis nostris docuisti. | inti in unseron strazon lertostú. |
| Ms. line: 31 | Et dicit vobis: | Inti thanne quidit íu: |
| Ms. line: 1 | nescio vos unde sitis: | ih ni uueiz íuuuih uuanan ir sit: |
| Ms. line: 2 | discedite a me omnes | aruuizet fon mir alle |
| Ms. line: 3 | operarii iniquitatis. | uúrhton unrehtes. |
| Ms. line: 4 | Ibi erit fletus | Thar ist thanne uúoft |
| Ms. line: 5 | et stridor dentium, | inti zeno stredunga, |
| Ms. line: 6 | cum videritis Abraham | mittiu ir gisehet Abrabam |
| Ms. line: 7 | et Isaac et Iacob | inti Isaac inti Iacob |
| Ms. line: 8 | et omnes prophetas | inti alle uuizogon |
| Ms. line: 9 | intrare in regnum dei, | ingangan in gotes richi, |
| Ms. line: 10 | vos autem expelli foras. | íuuuih uztriban. |
| Ms. line: 11 | Et venient ab oriente | Inti quęment fon óstana |
| Ms. line: 12 | et occidente et aquilone | inti fon uuestana inti nordana |
| Ms. line: 13 | et austro et accumbent | inti sundana inti gisizzent |
| Ms. line: 14 | in regno dei. | in gotes riche. |
| Ms. line: 15 | Et ecce sunt novissimi | Inti sint thanne thíe iungiston |
| Ms. line: 16 | qui erunt primi, | thie dar ér uuarun eriston, |
| Ms. line: 17 | et sunt primi | inti sint thanne eriston |
| Ms. line: 18 | qui erunt novissimi. | thie dar ér uuarun iungiston. |
