| Ms. line: 24 | Dicit eis:  ego sum vitis vera, | Tho quad her in: ih bin uuar uuinreba, |
| Ms. line: 25 | et pater meus agricola est. | inti min fater acarbigengiri ist. |
| Ms. line: 26 | Omnem palmitem in me | Iogiuuelih uuinloub in mir |
| Ms. line: 27 | non ferentem fructum | ni tragenti uuahsmon, |
| Ms. line: 28 | tollet eum, | nimit iz thana, |
| Ms. line: 29 | et omnem qui fert fructum | inti iogiuuelihaz thaz uuahsmon tregit, |
| Ms. line: 30 | purgabit eum, | reinit iz, |
| Ms. line: 31 | ut fructum plus afferat. | thaz iz uuahsmon mer bere. |
| Ms. line: 1 | Iam vos mundi estis | Ir birut iu reine |
| Ms. line: 2 | propter sermonem | thurah thaz uuort |
| Ms. line: 3 | quem locutus sum vobis: | thaz ih íu sprah: |
| Ms. line: 4 | manete in me et ego in vobis. | uuonet in mir inti ih in íu. |
| Ms. line: 5 | Sicut palmes non potest | So thaz uuinloub ni mac |
| Ms. line: 6 | ferre fructum | beran uuahsmon |
| Ms. line: 7 | a semetipso, nisi manserit | fon imo selbemo, nibiz uuone |
| Ms. line: 8 | in vite, | in theru uuinrebun, |
| Ms. line: 9 | sic nec vos nisi in me manseritis. | so ir nibi ir in mir uuonet. |
| Ms. line: 10 | Ego sum vitis, vos palmites: | Ih bin uuinreba, inti ir birut uuinbletir: |
| Ms. line: 11 | qui manet in me | ther der in mir uuonet |
| Ms. line: 12 | et ego in eo, hic fert | inti ih in imo, ther birit |
| Ms. line: 13 | fructum multum, | mihilan uuahsmon, |
| Ms. line: 14 | quia sine me | uuanta uzzan mih |
| Ms. line: 15 | nihil potestis facere. | ni mugut ir niouuiht duon. |
| Ms. line: 16 | Si quis in me non manserit, | Oba uuer in mir ni uuonet, |
| Ms. line: 17 | mittetur foras sicut palmes | uuirdit uzgisentit samaso uuinloub |
| Ms. line: 18 | et aruit, et colligent eos | inti thorret, inti lesent siu |
| Ms. line: 19 | et in ignem mittunt, | inti uuerpfent in fuir, |
| Ms. line: 20 | et ardent. | inti brinnent. |
| Ms. line: 21 | Si manseritis in me | Ob ir uuonet in mir |
| Ms. line: 22 | et verba mea in vobis manserint, | inti minu uuort in íu uuonent, |
| Ms. line: 23 | quodcumque volueritis | so uuaz so ir uuollet |
| Ms. line: 24 | petietis, et fiet vobis. | bittet, inti uuirdit íu. |
| Ms. line: 25 | In hoc clarificatus est pater meus | In thiu giberehtot ist min fater |
| Ms. line: 26 | ut fructum plurimum afferatis | thaz ir mihilan uuahsmon bringet |
| Ms. line: 27 | et efficiamini mei discipuli. | inti sit gifremite mine iungiron. |
| Ms. line: 28 | Sicut dilexit me pater, | Soso mih min fater minnota, |
| Ms. line: 29 | et ego dilexi vos: | inti ih minnota íuuuih: |
| Ms. line: 30 | manete in dilectione mea. | uuonet in mineru minnu. |
| Ms. line: 31 | Si precepta mea servaveritis, | Ob ir min bibot haltet, |
| Ms. line: 1 | manebitis in dilectione mea, | thanne uuonet ir in mineru minnu, |
| Ms. line: 2 | sicut et ego patris mei | sosih mines fater |
| Ms. line: 3 | precepta servavi | bibot bihielt |
| Ms. line: 4 | et maneo in eius dilectione. | inti uuonen in sineru minnu. |
