| Ms. line: 31 | Et cum hoc dixisset, | Mit diu her thaz quad, |
| Ms. line: 1 | iterum exivit ad Iudeos | abur gieng uz zi then Iudein |
| Ms. line: 2 | et ait ad principes sacerdotum | inti quad zi then heroston thero bisgoffo |
| Ms. line: 3 | et turbas: nullam causam | inti zi theru menigi: niheininga sahha |
| Ms. line: 4 | invenio in hoc homine. | ni fant ih in thesemo manne. |
| Ms. line: 5 | At illi invalescebant dicentes: | Sie tho gimagetun quedente: |
| Ms. line: 6 | conmovet populum docens | giruorit folc lerenti |
| Ms. line: 7 | per universam Iudæam | thurah alle Iudea |
| Ms. line: 8 | et incipiens a Galilea usque huc. | inti biginnenti fon Galileu unzan hera. |
| Ms. line: 9 | Pilatus autem audiens Galileam | Pilatus gihorenti Galileam |
| Ms. line: 10 | interrogavit si homo Galileus esset? | frageta oba ther man uuari Galileus? |
| Ms. line: 11 | Et ut cognovit | Inti so her tho forstuont |
| Ms. line: 12 | quod de Herodis potestate esset, | thaz her uuas fon Erodeses giuuelti, |
| Ms. line: 13 | remisit eum ad Herodem, | santan uuidar zi Herode: |
| Ms. line: 14 | qui et ipse Hierosolimis erat | ther selbo uuas in Hierusalem |
| Ms. line: 15 | illis diebus. | in then tagon. |
| Ms. line: 16 | Herodes autem viso Ihesu | Herodes gisehanemo themo heilante |
| Ms. line: 17 | gavisus est valde, | uuas thrato giuehenti: |
| Ms. line: 18 | erat enim cupiens | her uuas iu geronti |
| Ms. line: 19 | ex multo tempore videre eum, | fon manageru ziti inan gisehan, |
| Ms. line: 20 | eo quod audiret multa de illo | bithiu her gihorta managiu fon imo |
| Ms. line: 21 | et sperabat signum aliquod | inti uúanta sihuuelih zeihan |
| Ms. line: 22 | videre ab eo fieri. | gisehan fon imo uuesan. |
| Ms. line: 23 | Interrogabat autem illum | Frageta inan |
| Ms. line: 24 | multis sermonibus, | managen uuorton, |
| Ms. line: 25 | at ipse nihil illi respondebat. | [[inti]] her tho niouuiht antlingita imo. |
| Ms. line: 26 | Stabant etiam principes sacerdotum | Stuontun thie heroston thero bisgoffo |
| Ms. line: 27 | et scribe constanter | inti thie buohera einratlihho |
| Ms. line: 28 | accussantes eum. | ruogenti inan. |
| Ms. line: 29 | Sprevit autem illum Herodes | Uozzirnita inan Herodes |
| Ms. line: 30 | cum exercitu suo | mit sinemo herige |
| Ms. line: 31 | et inlusit indutum | inti bismarota giuuatitan |
| Ms. line: 1 | veste alba, | mit uuizzu giuuatu, |
| Ms. line: 2 | et remisit ad Pilatum. | inti uuidarsantanan zi Pilatuse. |
| Ms. line: 3 | Et facti sunt amici | Inti uuarun tho giuuortan friunta |
| Ms. line: 4 | Herodes et Pilatus in ipsa die, | Herodes inti Pilatus in themo tage: |
| Ms. line: 5 | nam antea inimici erant ad invicem. | sie uuarun er untar zuuisgen fiianta. |
