TITUS
Minor Old Lower Franconian Monuments
Part No. 8
Previous part

Chapter: 56  
Psalm LVI.


Verse: 2  
Line: 12       Ginâthi mi, got, ginâthi mi,
Line: 13    uuanda an thi gitrûôt sêla mîn,
Line: 14    inde an scado fithecanô thînrô
Line: 15    sal ic gitrûôn untis farlîthe un\reht.

Verse: 3  
Line: 16       Ruopen sal ic te gode hô\ista,
Line: 17    god thie uuala dida mi.

Verse: 4  
Line: 18       Sanda fan himele inde gi\nereda
Line: 19    mi, gaf an bismere te\trâdon
Line: 20    mi

Verse: 5  
Line: 21       Santa got ginâtha sîna inde
Line: 22    uuârheit sîna, inde generida sê\la
Line: 23    mîna fan mitton uuelpô lêo\nô.
Line: 24    Slîp ik gidruovit; kint man\nô
Line: 25    tende irô geuuêpene inde
Line: 26    sceifte, inde tunga irô suert
Line: 27    scarp.

Verse: 6  
Line: 28       Irhevi thi ovir himilâ, got;
Line: 29    inde an allero irthon guolîkkeide
Line: 30    thîne.

Page: He12  
Verse: 7  
Line: 1       Stric macôdon fuotin mî\nan,
Line: 2    inde bougedon sêla mîna.
Line: 3    Gruovon furi antsceine mîn
Line: 4    gruova inde fielon an thia.

Verse: 8  
Line: 5       Garo herta mîn, got, garo
Line: 6    herta mîn; singin sal ic inde
Line: 7    lof quethan.

Verse: 9  
Line: 8       Up stâ guolîhheide mîna,
Line: 9    up stâ psaltâre inde cithara; up
Line: 10    sal ik stân adro.

Verse: 10  
Line: 11       Bigian sal ik thi an fol\kon,
Line: 12    hêrro, lof sal ik quethan
Line: 13    thi an thiadin.

Verse: 11  
Line: 14       Uuanda gimikilôt ist un\tes
Line: 15    te himelon ginâtha thîn, inde
Line: 16    untes te uulcon uuârheit thîn.

Verse: 12  
Line: 17       Up heve thi ovir himilâ,
Line: 18    got, inde ovir alia ertha guo\lîc-heide
Line: 19    thîne.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.