TITUS
Minor Old Lower Franconian Monuments
Part No. 17
Previous part

Chapter: 65  
Psalm LXV.


Verse: 2  
Line: 14       Singit gode, al ertha, lof
Line: 15    quethet namon sînin, gevet guo\lîhheide
Line: 16    lovi sînin.

Verse: 3  
Line: 17       Quethit gode: sô eiselîka
Line: 18    thing sint uuerk thîna, hêrro!
Line: 19    an menegî crefti thînrô liegon
Line: 20    sulun thi fîundâ thîna.

Verse: 4  
Line: 21       Al ertha bede thi inde
Line: 22    singe thi, lof quethe namin thînin.

Verse: 5  
Line: 23       Cumit inde gesîet uuerk
Line: 24    godis egislîkis an râdon ovir
Line: 25    kint mannô,

Verse: 6  
Line: 26       thie kierit sêo an thurri\thon:
Line: 27    an fluode ovir lîthon solun
Line: 28    mit fuoti. Thâ solun uuir blî\thân
Line: 29    an imo,

Page: He23  
Verse: 7  
Line: 1       thie uualdonde ist an crefte
Line: 2    sînro an êuuon. Ougun sîna
Line: 3    ovir thiadî scauuôt: thia uuider\strîdunt,
Line: 4    ne uuerthint irhavan
Line: 5    an sig selvan.

Verse: 8  
Line: 6       Geuuîet, thiadî, got unsan,
Line: 7    inde gehôrda duot stemma lo\vis
Line: 8    sînis,

Verse: 9  
Line: 9       thie satta sêla mîna te lîve,
Line: 10    inde ne gaf an giruornussi fuoti
Line: 11    mîne.

Verse: 10  
Line: 12       Uuanda becorôdôs uns,
Line: 13    got, mit fiure uns irsuohtôs, alsô
Line: 14    man irsuokit silver.

Verse: 11  
Line: 15       Thu leidôs unsig an stri\cke,
Line: 16    sattôs arvit an ruggi un\sin,
Line: 17    gesattôs man ovir hôvit
Line: 18    unsa;

Verse: 12  
Line: 19       uui lithon thuro fiur inde
Line: 20    thuro uuatir, inde brâhtôs unsig
Line: 21    an cuolithon.

Verse: 13  
Line: 22       gân sal ic an hûse thînin
Line: 23    an offringon,

Verse: 14  
Line: 24       gevan sal ic thi geheitâ
Line: 25    mîna, thia undirsciethon leporâ
Line: 26    mîna inde sprac munt mîn an
Line: 27    arvithi mîna.

Verse: 15  
Line: 28       Offringâ luttira offrân sal
Line: 29    ic thi mit brunni uuitherô, off\rân
Line: 30    sal ic thi ohson mit buckin.

Verse: 16  
Line: 31       Cumit, gehôrit, inde tel\lon
Line: 32    sal ic, alla thia forhtit gode,
Line: 33    huô deda sêla mîna.

Page: He24  
Verse: 17  
Line: 1       Te imo mundi mînin riep,
Line: 2    inde mendida undir tungon mînro.

Verse: 18  
Line: 3       Unreht of gisag an her\tin
Line: 4    mînin, ne sal gehôran hêrro.
Line: 5    Be thiu gehôrda got inde thâhta
Line: 6    stemmon bedon mînrô.

Verse: 19  
Line: 7       Geuuîgit got, thie ne far\uuarp
Line: 8    gebet mîn inde ginâtha
Line: 9    sîna fan mi.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.