TITUS
Minor Old Lower Franconian Monuments
Part No. 16
Previous part

Chapter: 64  
Psalm LXIV.


Verse: 2  
Line: 1       Thi timit lof, got, an Syon,
Line: 2    inde thi uuirthit gegevan gehei\ta
Line: 3    an Hierusalêm.

Verse: 3  
Line: 4       Gehôri gebet mîn! te thi
Line: 5    alla fleisc cuman sal.

Verse: 4  
Line: 6       Uuort unrehterô creftih
Line: 7    uuâron ovir uns, inde sundon
Line: 8    unson thu ginâthôn salt.

Verse: 5  
Line: 9       Sâlig thana thu gecuri inde
Line: 10    genâmi! uuonôn sal an frit-ho\von
Line: 11    thînin. Irfullida uuerthan
Line: 12    uuir an guode hûses thînis.

Verse: 6  
Line: 13       Heilig ist duom thîn, uun\derlic
Line: 14    an rehti. Gehôri unsig,
Line: 15    got, nereando unsa, tô-hopa
Line: 16    allerô endô erthon inde an sê\uui
Line: 17    ferro;

Verse: 7  
Line: 18       geruuindi bergâ an crefte
Line: 19    thînro, gigurdit mit geuuelde.

Verse: 8  
Line: 20       thie gidruovis diopî sêuuis,
Line: 21    lût fluodî sînrô.

Verse: 9  
Line: 22       Gedruoveda uuerthunt thia\dî,
Line: 23    inde forhton sulun thia uuo\nônt
Line: 24    an gemerke, fan teiknon
Line: 25    thînon; ût-ferthî morganis inde
Line: 26    âvondis saltu gelievon.

Verse: 10  
Line: 27       Thu uuîsôdôs erthon inde
Line: 28    fardrenkidôs sia, thu gemanoh\faldedôs
Line: 29    te gerîkieni sia. Fluot
Line: 30    godis irfullit ist mit uuateron.
Line: 31    Thu geruuedôs muos irô, uuanda
Line: 32    sô ist geruuinga irô.

Page: He22  
Verse: 11  
Line: 1       Beke irô fardrinkende, ge\manohfaldôt
Line: 2    cunni irô, an dro\pon
Line: 3    irô blîthôn sal barinda.

Verse: 12  
Line: 4       Quethon saltu coronam
Line: 5    iâris guodî thînrô, inde felt thî\na
Line: 6    irfullôt uuerthunt mit ge\nuhte;

Verse: 13  
Line: 7       feita sulun uuerthan scô\nithâ
Line: 8    uuôstinnon inde mendisle
Line: 9    huvelâ bigurdida uuerthunt.

Verse: 14  
Line: 10       Anacleida sint uuittherâ scâ\pô ,
Line: 11    inde dale thîon sulun mit
Line: 12    fruhti; ruopon salun, geuuisso
Line: 13    lof quethan salun.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.