TITUS
Minor Old Lower Franconian Monuments
Part No. 15
Previous part

Chapter: 63  
Psalm LXIII.


Verse: 2  
Line: 1       Gehôri, got, gebet, mîn,
Line: 2    sô ic biddon; fan forhtun fîun\dis
Line: 3    genere sêla mîna.

Verse: 3  
Line: 4       Thu beschirmedôs mi fan
Line: 5    samnungun uveldânigerô, fas
Line: 6    menege uuirkinderô unriht;

Verse: 4  
Line: 7       uuanda scerpidon alsô suert
Line: 8    tungon irô, thenedon bogon, sa\ca
Line: 9    bittera, that sia scietint an
Line: 10    hulingon umbeuuollenin,

Verse: 5  
Line: 11       Gâlîco scutton sulun imo,
Line: 12    inde ne sulun forhtan. Gefe\stodon
Line: 13    sig uuort niuuiht,

Verse: 6  
Line: 14       taldon that sia behêlin
Line: 15    strikke; quâthun: uue sal ge\sîan
Line: 16    sia?

Verse: 7  
Line: 17       Undersuohton unreht, te\fuoron
Line: 18    suokinda irsuokenussi.

Verse: 8  
Line: 19       Genâcôn sal man in hertin
Line: 20    diepin, inde irhavan uuirthit got

Verse: 9  
Line: 21       Scefte lutticorô gedâna sint
Line: 22    uundon irô, inde ummahtiga sint
Line: 23    angegin im tungen irô.

Verse: 10  
Line: 24       Gidruovida sint alia thia
Line: 25    gisâgon sia, inde forhtida alla
Line: 26    man; inde cundidon uuerh go\dis,
Line: 27    inde dêdâ sîna farnâmon.

Verse: 11  
Line: 28       Blîthôn sal rehlîco an hêr\ron,
Line: 29    inde getrûon sal an imo,
Line: 30    inde gelovôda sulun uuerthan alla
Line: 31    rehlîca an hertin.




Page: He21  
Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.