TITUS
Minor Old Lower Franconian Monuments
Part No. 19
Previous part

Chapter: 67  
Psalm LXVII.


Verse: 2  
Line: 1       Up standi got inde testôrda
Line: 2    uuerthin fîundâ sîna inde flient
Line: 3    thia hatôdon imo, fan antsceine
Line: 4    sînin.

Verse: 3  
Line: 5       Alsô teferit rouc, tefarin;
Line: 6    alsô flûtit uuahs fan antsceine
Line: 7    fiuris, sô farfarin sundiga fan
Line: 8    antsceine godis.

Verse: 4  
Line: 9       Inde rehlîca goumâ uuir\kint
Line: 10    inde mendint an antsceine
Line: 11    godis, inde gelievent an blîthône.

Verse: 5  
Line: 12       Singet gode, lof quethet
Line: 13    namon sînin, uueg uuirkit imo
Line: 14    thie up steig ovir nithegang:
Line: 15    hêrro namo imo.

Verse: 6  
Line: 16       Mendit an geginuuirdî sîn\ro;
Line: 17    gidruoveda uuerthint fan ant\sceine
Line: 18    sînro, faderis uueisonô
Line: 19    inde scepenin uuidouuanô.

Verse: 7  
Line: 20       Got an stede heilegoro
Line: 21    sînro, got thie an uuonôn duot
Line: 22    einis sidin an hûse, thie ût lei\dende
Line: 23    bebundona an sterke, alsô
Line: 24    thia thia uuithorstrîdunt, thia
Line: 25    uuonunt an gravon.

Verse: 8  
Line: 26       Got, sô thu giengi an ge\ginuuirdî
Line: 27    folkis thînis, sô thu
Line: 28    thuro-lithi an uuôstinon,

Verse: 9  
Line: 29       ertha irruort ist, geuuisso
Line: 30    himelâ drupon fan antsceine go\dis
Line: 31    Sînai, fan antsceine godis
Line: 32    Israêl.

Page: He26  
Verse: 10  
Line: 1       Regin uuilligin ût scei\thon
Line: 2    saltu got ervi thînin, inde
Line: 3    ummahtig ist, thu geuuisso thuro\fremidôs
Line: 4    sia.

Verse: 11  
Line: 5       Quicca fê thîna uuonôn
Line: 6    sulun an iro; thu geruuidos an
Line: 7    suotî thînro armin, got

Verse: 12  
Line: 8       Hêrro givit uuort predi\côndon
Line: 9    mit crefte mikiliro.

Verse: 13  
Line: 10       Cunig crefte lievis lievis,
Line: 11    inde scônis hûsis te deiline gi\rouvin.

Verse: 14  
Line: 12       Of gi slâpit under mitdon
Line: 13    samnungun, fetheron dûvon fer\silvederô,
Line: 14    inde afrista rugis irô
Line: 15    an bleike goldis.

Verse: 15  
Line: 16       Sô undirsceithit himilisco
Line: 17    cuningâ ovir sia, fan snêue uuîta
Line: 18    sulun uuerthan an Selmon.

Verse: 16  
Line: 19       Berg godis berg feit,
Line: 20    berg suêvôt, berg feitit.

Verse: 17  
Line: 21       Be uuie uuânit gi bergâ
Line: 22    giquahlit? Berg an themo uuala
Line: 23    gelîcâd ist gode te uuonône an
Line: 24    imo; geuuisso hêrro uuonôn sal
Line: 25    an ende.

Verse: 18  
Line: 26       Reidi-uuagon godes mit
Line: 27    ten thûsint manohfalt, thûsint
Line: 28    blîthenderô, hêrro an im an Si\nai
Line: 29    an heiligon.

Verse: 19  
Line: 30       Up stigi an hôî, nâmi
Line: 31    hafta, antfiengi gevâ an man\non,
Line: 32    geuuisso ungelouvinda an
Line: 33    te uuonene hêrron got.

Page: He27  
Verse: 20  
Line: 1       Geuuîet hêrro an dag
Line: 2    daga-uuelîkis! gisunda farth
Line: 3    duon sal uns got sâldanô un\serô.

Verse: 21  
Line: 4       Got unser got behaldana
Line: 5    duonda, inde hêrrin hêrrin ût\farth
Line: 6    dôdis.

Verse: 22  
Line: 7       Novan thôh got tebrecan
Line: 8    sal hôvit fîundô sînrô, sceithlon
Line: 9    lockis umbi ganginderô an mis\dâtin
Line: 10    irô.

Verse: 23  
Line: 11       Quad hêrro: fan Bâsan
Line: 12    bekêran sal ic, kêron an dûpî
Line: 13    sêuues,

Line: 14    24. that nat uuerthe fuot thîn
Line: 15    an bluode, tunga hundô thînrô
Line: 16    fan fîundun fan imo.

Verse: 25  
Line: 17       Gesâgon gangâ thîna, got,
Line: 18    gangâ godes mînis, cuningis
Line: 19    mînis thie ist an heiligin.

Verse: 26  
Line: 20       Furi quâmon furistâ ge\fuogeda
Line: 21    singindon, an midton
Line: 22    thiernô timparinnô.

Verse: 27  
Line: 23       An samnungun geuuîet
Line: 24    gode hêrron, fan brunnon Israêl.

Verse: 28  
Line: 25       Thâr Beniamin jungelig
Line: 26    an muodis ovirferdi, furistâ Jûda
Line: 27    leidorâ irô, furistâ Zâbulon, fu\ristâ
Line: 28    Nepthalîm.

Verse: 29  
Line: 29       Gebiut, got, crefti thînro;
Line: 30    gefesti that, got, that thu uuork\tus
Line: 31    an unsig.

Verse: 30  
Line: 32       Fan duome thînin an Jêru\salem
Line: 33    thi offrôn sulun cuningâ
Line: 34    gevon.

Page: He28  
Verse: 31  
Line: 1       Refang dier riedis: sam\nunga
Line: 2    stierô an cuon folcô, that
Line: 3    sia ût seeithin thia thia geco\rôda
Line: 4    sint mit silver.

Verse: 32  
Line: 5       Testôri thiadî thia uuîgâ
Line: 6    uuilunt: cuman sulun bodon fan
Line: 7    Aegypto, Aethiopia furi cuman
Line: 8    sal heinde irô gode.

Verse: 33  
Line: 9       Rîki erthon, singit gode,
Line: 10    singit hêrrin,

Verse: 34  
Line: 11       Singit gode thie up sti\git
Line: 12    ovir himel himeles te ôster\halvon.

Verse: 35  
Line: 13       Ecco, gevon sal stimma
Line: 14    sînro stemma crefte. Gevet guo\lîc-heide
Line: 15    gode ovir Israêl, mi\kilî
Line: 16    sîn inde craft sîn an uulcun.

Verse: 36  
Line: 17       Uundirlîc got an heiligon
Line: 18    sînin, got Israêl hie gevon sal
Line: 19    craft inde sterke folkis sînis.
Line: 20    Geuuîit got!



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.