TITUS
Minor Old Lower Franconian Monuments
Part No. 20
Previous part

Chapter: 68  
Psalm LXVIII.


Verse: 2  
Line: 21       Behaldan mi duo, got,
Line: 22    uuanda in giengon uuatir untes
Line: 23    te sêlon mînro.

Verse: 3  
Line: 24       Gestekit bin ic an leimon
Line: 25    diupi, inde ne ist geuuesan\nussi;
Line: 26    ic quam an diopî sêuues,
Line: 27    inde geuuidere bescendida mi.

Verse: 4  
Line: 28       Ic arvidôda ruopinde, heisa
Line: 29    gidâna uurthun kelon mîna, te\fuorun
Line: 30    ougon mîn sô ic getrûôn
Line: 31    an gode mînin.

Page: He29  
Verse: 5  
Line: 1       Gimanohfaldôda sint ovir
Line: 2    lookâ hôvidis mînis thia hatôdon
Line: 3    mi thankis, gesterkôda sint thia
Line: 4    heftidon mi fîundâ mîne mit un\rehte;
Line: 5    thia ic ne nam, thuo far\galt.

Verse: 6  
Line: 6       Got, thu uueist unuuitî
Line: 7    mîne, inde misdâdî mîna fan
Line: 8    thi ne sint beholona.

Verse: 7  
Line: 9       Ne scaman sig an mi thia
Line: 10    bîdint thi hêrro, hêrro crefte!
Line: 11    ne uuerthin gescendit ovir mi
Line: 12    thia suocunt thi, got Israhêlis!

Verse: 8  
Line: 13       Uuanda thuro thi tholôda
Line: 14    io bismer, bethecôda scama ant\sceini
Line: 15    mîn;

Verse: 9  
Line: 16       Elelendig gedân bin bruo\thron
Line: 17    mînon inde fremithi kin\don
Line: 18    muodir mînrô.

Verse: 10  
Line: 19       Uuanda ando hûses thî\nis
Line: 20    at mi, inde bismer lastrin\derô
Line: 21    thi fielon ovir mi.

Verse: 11  
Line: 22       Inde ic thecôda an fastin\gon
Line: 23    sêla mîna, inde gidân ist
Line: 24    an bismer mi,

Verse: 12  
Line: 25       Inde gesatta uuât mîna
Line: 26    te heron, inde gedân bin im an
Line: 27    spelle.

Verse: 13  
Line: 28       Angegin mi sprâcon thia
Line: 29    sâton an portun, inde an mi
Line: 30    sungun thia druncun uuîn.

Verse: 14  
Line: 31       Ic geuuisso gebet mîn te
Line: 32    thi, hêrro; tît uuala te lîkene,

Page: He30  
Line: 1    got ! An menege ginâthon thînrô
Line: 2    gehôri mi, an uuârheide sâldun
Line: 3    thînrô !

Verse: 15  
Line: 4       Genere mi fan horouue
Line: 5    that ne ic inne steke; genere
Line: 6    mi fan thên thia hatôdon mi,
Line: 7    inde fan diopithon uuatirô.

Verse: 16  
Line: 8       Ne mi besenki geuuidere
Line: 9    uuateres, noh ne farsuelge mi
Line: 10    diupî, noh ne antlûke ovir mi
Line: 11    putte munt irô.

Verse: 17  
Line: 12       Gihôri mi hêrro, uuanda
Line: 13    guot ist ginâtha thîn; aftir me\nege
Line: 14    ginâthonô thînrô scauuuô
Line: 15    an mi,

Verse: 18  
Line: 16       inde ne kêre antsceine
Line: 17    thîn fan knapin thînin, uuanda
Line: 18    ic geuuitenôt uuirthon: sniumo
Line: 19    gihôri mi!

Verse: 19  
Line: 20       Thenke sêlon mînro inde
Line: 21    ginere sia; thuro fîundâ mîna
Line: 22    irlôsi mi

Verse: 20  
Line: 23       Thu uuêst laster mînin
Line: 24    inde scama mîna inde unêra
Line: 25    mîna, an geginuuirdî thînro sint
Line: 26    alla thia uuitonônt mi.

Verse: 21  
Line: 27       Lasteris beid herta mîn
Line: 28    inde armuodis: inde ik beid,
Line: 29    thie samon gedruovit uuirthi,
Line: 30    inde ne uuas; the getrôstôda,
Line: 31    inde ne fant.

Verse: 22  
Line: 32       Inde gâvon an muos mîn
Line: 33    galla, inde an thurste mînin
Line: 34    drenkedon mi mit etige.

Page: He31  
Verse: 23  
Line: 1       Uuerthe dise irô furi im
Line: 2    an stricke, inde an uuitherlônon
Line: 3    inde an besuîc-heide!

Verse: 24  
Line: 4       Duncla uuerthin ougon
Line: 5    irô that sia ne gesîan, inde rukgi
Line: 6    irô io an crumbe!

Verse: 25  
Line: 7       Ut giut ovir sia âbulge
Line: 8    thîna, inde heitmuodi âbulge
Line: 9    thînrô befangi sia.

Verse: 26  
Line: 10       Uuerthe uuonunga irô
Line: 11    uuôsti, inde an selethon irô ne
Line: 12    sîe thie uuone.

Verse: 27  
Line: 13       Uuanda thana thu sluogi
Line: 14    ehtidon sia, inde over sêr uun\denô
Line: 15    mînrô geôcôdon.

Verse: 28  
Line: 16       Gesette unreht ovir un\reht
Line: 17    irô, inde ne gangint an
Line: 18    rehtnussi thîn.

Verse: 29  
Line: 19       Fardiligôt uuerthin fan
Line: 20    buoke libbenderô, inde mit reht\lîcon
Line: 21    ne uuerthon gescrivona.

Verse: 30  
Line: 22       Ic bin arm inde treghaft;
Line: 23    sâlda thîn, got, antfieng mi.

Verse: 31  
Line: 24       Lovôn sal ic namon go\dis
Line: 25    mit sange, inde gemikolôn
Line: 26    sal ic imo an love.

Verse: 32  
Line: 27       Inde gelîcôn sal it gode
Line: 28    ovir calf nûuui, hornir forth
Line: 29    brenginde inde clâuuon.

Verse: 33  
Line: 30       Gesîan arma inde blîthin;
Line: 31    suokit got inde libban sal sêla
Line: 32    iuuua.

Verse: 34  
Line: 33       Uuanda gehôrda arma
Line: 34    hêrro, inde gibundana sîna ne
Line: 35    faruuarp.

Page: He32  
Verse: 35  
Line: 1       Lovin imo himelâ inde
Line: 2    ertha; sêu inde alia criepinda
Line: 3    an im.

Verse: 36  
Line: 4       Uuanda got behaldan duon
Line: 5    sal Syon, inde gestiftôda sulun
Line: 6    uuerthan burge Judae; inde uuo\nôn
Line: 7    sulun thâr, inde mit ervi
Line: 8    geuuinnon sulun sia;

Verse: 37  
Line: 9       inde cunni scalcô sînrô
Line: 10    nieton sal sia, inde thia min\nunt
Line: 11    namon sînan uuonôn sulun
Line: 12    an imo.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.