TITUS
Minor Old Lower Franconian Monuments
Part No. 22
Previous part

Chapter: 70  
Psalm LXX.


Line: 1    2. An thi, hêrro, getrûôda;
Line: 2    neuuerthe icgescendit an êuuon.
Line: 3    An rehnussi thîn genere mi inde
Line: 4    irlôsi mi; neige te mi ôra thîn
Line: 5    inde behalt mi!

Line: 6    3. Sîs mi an got bescirmere
Line: 7    inde an stede fastero, that thu
Line: 8    behaldan mi duos! uuanda festî
Line: 9    mîn inde uuitherfluht mîn bistu.

Line: 10    4. Got mîn, genere mi fan
Line: 11    hendi sundigis inde fan hendi
Line: 12    uuither uuitat uuirkindes inde
Line: 13    unrehtis!

Line: 14    5. Uuanda thu bist gethult
Line: 15    mîn, hêrro hêrro, tôhopa mîn
Line: 16    fan iuginde mînro.

Line: 17    6. An thi gefestit bin fan bûke,
Line: 18    fan uuambun muodir mînrô thu
Line: 19    bist bescirmere mîn.

Line: 20    7. An thi sang mîn io; alsô
Line: 21    furi-têkin gedân bin managun,
Line: 22    inde thu hulpere stark.

Line: 23    8. Irfullit uuerthe munt mîn
Line: 24    mit love, that ik singi guolîc\heide
Line: 25    thîna, allan dag mikile
Line: 26    thîna.

Line: 27    9. Ne faruuirp mi an tîde
Line: 28    eldî; sô teferit craft mîn, ne
Line: 29    farlâttu mi!

Line: 30    10. Uuanda quâthun fîundâ
Line: 31    mîn mi, inde thia huodun sêla
Line: 32    mîna, rât uuarhton an ein,

Page: He34  
Verse: 11  
Line: 1       quethinde: got farliet imo,
Line: 2    ehtin sîn inde fangit imo, uuan\da
Line: 3    ne ist thie generi.

Verse: 12  
Line: 4       Got, ne ferri thu fan mi!
Line: 5    got mîn, an hulpon gescauuuô!

Verse: 13  
Line: 6       Gescendida uuerthin inde
Line: 7    tefarin aftri - thinsinde sêlon
Line: 8    mînro, bethecôda uuerthin mit
Line: 9    scamon inde mit unêron thia
Line: 10    suocunt uvel mi.

Verse: 14  
Line: 11       Io eft getrûôn sal inde
Line: 12    getôcôn over al lof thîn.

Verse: 15  
Line: 13       Munt mîn cundon sal reh\nussi
Line: 14    thîn, allan dag sâlda thîna,
Line: 15    uuanda ne becanda buoc-staf.

Verse: 16  
Line: 16       in gân sal an geuuelde
Line: 17    hêrrin; hêrro, gehuggon sal reht\nussi
Line: 18    thîn eines.

Verse: 17  
Line: 19       Got, thu lêrdôs mi fan
Line: 20    iuginde mînro, inde untes nu
Line: 21    farcundon sal ic uundir thîn.

Verse: 18  
Line: 22       Inde untes an eldî inde
Line: 23    ur-eldî, got, ne farlâttu mi, un\tes
Line: 24    ic cundi arm thînin cunni
Line: 25    allin thie te cumene ist,

Verse: 19  
Line: 26       geuualt thîna inde reh\nussi
Line: 27    thîn, got, untes an hôista,
Line: 28    thia thu dêdi mikila. Got, uuie
Line: 29    ist gelîc thi?

Verse: 20  
Line: 30       Sô mikila ôgdôstu mi ar\beithâ
Line: 31    managa inde uvela! Inde
Line: 32    bekêrit gequiccôdôs mi, inde

Page: He35  
Line: 1    fan afgrundi erthon eft uuithere
Line: 2    brâhtôs mi;

Verse: 21  
Line: 3       Thu gemanohfaldidôs mi\kile
Line: 4    thîne, inde bekêrt gitrô\stôs
Line: 5    mi

Verse: 22  
Line: 6       Uuanda inde ic begîan sal
Line: 7    thi an vaton salmis uuârheide
Line: 8    thîna, got; singen sal ic thi an
Line: 9    cittharon, heiligo Israêl.

Verse: 23  
Line: 10       Mendan sulun leporâ mîna,
Line: 11    sô ik singon thi, inde sêla mîn
Line: 12    thia thu irlôstôs.

Verse: 24  
Line: 13       Novan inde tunga mîn
Line: 14    thencon sal rehtnussi thîn, sô
Line: 15    sia gescendida inde gescamôda
Line: 16    uuârun thia suocunt uvel mi



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.