TITUS
Minor Old Lower Franconian Monuments
Part No. 23
Previous part

Chapter: 71  
Psalm LXXI.


Verse: 2  
Line: 17       Got, duom thîn cunige gif,
Line: 18    inde rehtnussi thîn kindi cunin\gis,
Line: 19    te duomene folc thîn an
Line: 20    rehtnussi, inde arma thîna an
Line: 21    duome.

Verse: 3  
Line: 22       Antfangin bergâ fritho fol\ki,
Line: 23    inde huvelâ rehtnussi.

Verse: 4  
Line: 24       Irduomon sal arma folkes
Line: 25    inde behaldona duon sal kint
Line: 26    armerô inde genitheron sal ....

Verse: 5  
Line: 27       Inde fol-uuonôn sal mit
Line: 28    sunnun inde êr mânon, an cunni
Line: 29    cunnô.

Verse: 6  
Line: 30       Nithe stîgon sal alsô regan
Line: 31    an velli, inde alsô dropon drie\pinda
Line: 32    ovir ertha.

Page: He36  
Verse: 7  
Line: 1       Uuahson sal an dagon sinon
Line: 2    rehtnussi inde genuttî frithis,
Line: 3    untes genuman uuerthe mâno.

Verse: 8  
Line: 4       Inde uualdon sal fan sêuue
Line: 5    untes te sêuue, inde fan fluode
Line: 6    untes tô te gemerke ringis er\thonô.

Verse: 9  
Line: 7       Furi imo fallon sulun môrâ,
Line: 8    inde fîundâ sîna ertha leccôn
Line: 9    sulun.

Verse: 10  
Line: 10       Cuningâ Tharsis inde
Line: 11    âlende gevon bringon sulun,
Line: 12    cuningâ Arabum inde Saba geva
Line: 13    bringon sulun;

Verse: 11  
Line: 14       Inde bedôn sulun imo alla
Line: 15    cuningâ, alla thiade thienôn su\lun
Line: 16    imo.

Verse: 12  
Line: 17       Uuanda generon sal ar\min
Line: 18    fan geuuelde, inde armin
Line: 19    themo ne uuas hulpere;

Verse: 13  
Line: 20       genâthôn sal armin inde
Line: 21    hulpi-lôsin, inde sêlon armerô
Line: 22    behaldana duon sal;

Verse: 14  
Line: 23       fan prismon inde fan un\rehte
Line: 24    irlôson sal sêlon irô, inde
Line: 25    êrlîc namo irô furi imo.

Verse: 15  
Line: 26       Inde libbon sal, inde ge\von
Line: 27    sal imo fan goldi Arâbie,
Line: 28    inde sprecan sulun fan imo io,
Line: 29    allan dag geuuîgen sulun imo.

Verse: 16  
Line: 30       Uuesen sal veste an er\thon
Line: 31    an hôî bergô, ovirhavan
Line: 32    uuirthit ovir Libanum fruht sîn,
Line: 33    inde blôion sulun fan burg alsô
Line: 34    houuue erthon.

Verse: 17  
Line: 35       Sî namo sîn geuuîgit an
Line: 36    uueroldî, êr sunnun thuro-uua\nôt
Line: 37    namo sîn: inde jgeuuîit an

Page: He37  
Line: 1    imo al cunni erthon, alla thiadî
Line: 2    gimikilôn sulun imo.

Line: 3    18. Geuuîit hêrro got Israêl,
Line: 4    thie duot uunder eino,

Line: 5    19. inde geuuîit ist namo man\crefti
Line: 6    sîn an êuuon, inde irfullit
Line: 7    uuirthit man-crefte sînro alla
Line: 8    ertha. Geuuerthe, geuuerthe.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.