TITUS
Minor Old Lower Franconian Monuments
Part No. 24
Previous part

Chapter: 72  
Psalm LXXII.


Verse: 1  
Line: 9       Sô guot Israêl got thên
Line: 10    thia mit rehtin sint hertin!

Verse: 2  
Line: 11       Mîna eft nâio irruorda sint
Line: 12    fuotî, nâio ût gotona sint gangâ
Line: 13    mîna;

Verse: 3  
Line: 14       uuanda io andôda ovir un\rehta,
Line: 15    fritho sundigerô gesîande.

Verse: 4  
Line: 16       Uuanda ne ist scauuuonga
Line: 17    dôdi irô, inde festî an slege irô;

Verse: 5  
Line: 18       An arbeithe mannô ne sint,
Line: 19    inde mit mannon ne sulun be\filloda
Line: 20    uuerthan.

Verse: 6  
Line: 21       Bethiu hatta sia ovirmuo\di,
Line: 22    bethecôda sint mit unrehte
Line: 23    inde mit ummilde irô.

Verse: 7  
Line: 24       Forth fuor alsô van smeri
Line: 25    unreht irô, fuoron angegin ....
Line: 26    hertin;

Verse: 8  
Line: 27       thâhton inde sprâcon arh\heide,
Line: 28    unreht an hôî sprâcon;

Verse: 9  
Line: 29       sia satton an himele munt
Line: 30    irô, inde tunga irô lief an ertha.

Page: He38  
Verse: 10  
Line: 1       Bethiu bekêret uuerthe
Line: 2    folc mîn hiera, inde dagâ folla
Line: 3    fundona uuerthint an im.

Verse: 11  
Line: 4       Inde quâthon: huô uueit
Line: 5    got? inde of ist uuîsduom an
Line: 6    hôe?

Verse: 12  
Line: 7       Ecco sia sundiga inde
Line: 8    thîonda an uueroldi hatton rîc\duom.

Verse: 13  
Line: 9       Inde quad: geuuisso sun\der
Line: 10    saca gerihtôda ik herta mîn,
Line: 11    inde uuosc under unsculdigin
Line: 12    hendî mîna.

Verse: 14  
Line: 13       Inde ik uuas befillit al\lan
Line: 14    dag, inde kestigata mîn an
Line: 15    morgan.

Verse: 15  
Line: 16       Of ik quad; tellon sal ik
Line: 17    sô; ecco cunni kindô thînrô uui\thercôs
Line: 18    ik.

Verse: 16  
Line: 19       Ik uuânda that ik it
Line: 20    kende: that arbeit ist furi mi,

Verse: 17  
Line: 21       untes ic gange an heilic\duome
Line: 22    godis inde farnimi an
Line: 23    letiston thingon irô.

Verse: 18  
Line: 24       Novan thôh thuro lôsingâ
Line: 25    gesattôs im, thu faruuurpi sia,
Line: 26    sô sia irhavona uuerthin.

Verse: 19  
Line: 27       Huô gedâna uurthun an
Line: 28    testôrnussi! sân tefuoron, far\durvon
Line: 29    thuro unreht sîn.

Verse: 20  
Line: 30       Alsô slâp upstandandirô,
Line: 31    hêrro, an burge thînro bilithe
Line: 32    irô te nieuuehte bringon salt.

Verse: 21  
Line: 33       Uuanda an flammun ist
Line: 34    herta mîn, inde lendin mîn be\kêrda
Line: 35    uuirthun,

Page: He39  
Verse: 22  
Line: 1       inde ik te nieuuehte brâht
Line: 2    bin inde ik ne uuista; alsô fê
Line: 3    gedân bin mit thi.

Verse: 23  
Line: 4       Inde ik io mit thi; thu
Line: 5    hattôs geuualt forthron mînrô,

Verse: 24  
Line: 6       inde an uuillin thînin lei\dôstu
Line: 7    mi, inde mit guolîo-heide
Line: 8    antfiengi mi.

Verse: 25  
Line: 9       Uuad geuuisso mi ist an
Line: 10    himele? inde fan thi uuad uuolda
Line: 11    ik ovir erthon?

Verse: 26  
Line: 12       Tefuor fleisc mîn inde
Line: 13    herta mîn: got lîvis mînes, in\de
Line: 14    deil mîn got an êuuon.

Verse: 27  
Line: 15       Uuanda ecco thia firrôdon
Line: 16    sig fan thi, farfaran sulun; thu far\teridôs
Line: 17    alla thia scêthint ava thi

Verse: 28  
Line: 18       Mi eflt te clevône gode
Line: 19    guot ist, te setene an hêrrin
Line: 20    gode tôhopa mîna, that ik cunde
Line: 21    alla predigungâ thîna an portun
Line: 22    dohteron Syon.



Next part


This text is part of the TITUS edition of Minor Old Lower Franconian Monuments.

Copyright TITUS Project, Frankfurt a/M, 27.11.2013. No parts of this document may be republished in any form without prior permission by the copyright holder.