TITUS
Johannes Fischart, Geschichtsklitterung
Part No. 58
Previous part

Paragraph: 5      Also kugelts im kreiß herumb, wie solt es nicht kegel geben : Ja daß ich geschweig des verreisens, migrirens, verruckens vnnd auffbrechens etwann gantzer Länder vnnd Völcker von wegen plagung der Mäus vnd Schnacken. Darvon gantze Postillen von Noe Kasten auß vorhanden, der Goten, Wandeln, Langparten, Nortmannen, Saracenen, Marckmannen, Wenden, Sclauen, Rugen, Walen, die vntereinander gehurnauset, gewalet, gewandelt vnd gewendet haben, wie ein Hafen voll Beelzebubmucken : also daß es dem Wolffio im Scipionischen Himmel noch ein lust herab zusehen gibt, daß die Mirmidonische zweibeynige Omeysen hie vnten noch also durch einander haspeln vnnd graspeln. Ja welchs Page of re-edition: 37  Land lauffen nicht die Schwaben auß? fragt doch jener Würtenberger wie Bebel meld, so bald er inn Asien nur auß dem Mörschiff stig. Ist nicht eyn gut gesell von Beblingen hie? So ist die gemein sag, Schwaben geb der gantzen Welt genug Huren. Vnd was gibts gestochen lebens vnd angststich vnterm Weibsvolck, wann man ein Land vnd Statt mit gewalt gewinnet. Hat doch der inn den Secreten19 der Finantzen inn Franckreich allein von den treissig letzten Jaren her, weil20 die Krieg daselbst gewährt, zwölff tausent vnnd trey hundert genotzüchtigter vnnd geschwächter Frawen vnnd Jungfrawen gerechenet : Wie viel haben dann die Böckstinckenden Spanier seither im Niderland vergifft? Sie habens weit weit vber den Keyser Proculum gemacht, derselb schrib an den Römischen Page: 44   Raht, für eyn Triumpffwürdige that, er für sein Person het inn Sarmatien, das ist Polen, inn fünffzehen Nächten vnnd Tagen hundert gefangener Jungfrawen zu Frawen gemacht. Ey des schönen Fotzenhelmsstechens,21 Daß man jm eine für ein Prill auff die Naß setz, so schewen jhn auch seine Kinder, vnd schreien desto minder.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.