TITUS
Johannes Fischart, Geschichtsklitterung
Part No. 198
Previous part

Paragraph: 17      Diese vnd andere meh Haußnötige stück, so sie23 dem Haußkönig gründlich zuerwigen fürkommen24, spüret er alsbald seine vnvermöglichkeit, daß er, wa er nicht von Land vnd Leuten raumig vnd schachmat werden will, notwendig dem hundertäugigen Argo ein Fünff dutzend Fenster auff gute rechnung abborgen, vnd mit dem Mercurio ein anstand treffen müste. Derwegen denselben genug man zu sein, vergleichet vnnd einiget er sich mit eyner jm anmütigen Gehülfin : Welche er darauff vmb meher erleuchterung25 inn ebenmässige vollmacht, das seine zuverwalten vnnd zugebrauchen, mit jhm als ein gemeynerin vnzertrenlich einlasset, Page: 118   vnd zu einem Tisch vnnd Bettgeheimesten rhat erwölet : ja gleichsam in ebenwürdigen Thron für ein Haußkönigin auffnimmet vnd neben jhm einsetzet. Welche freykürliche, ehrenbilliche vnnd Haußsteurliche gemeynschafft, so sie ins werck gerichtet, als bald vor Gott vnnd der Welt, als ein notwendige Lebensfrist, vnnd Menschlichem geschlecht vnvermeydliche auffenthaltung wird gerechenet vnd gestattet : Auch solcher contract, verlob, Handschlag vnd verbündnüß, von der ewigen trewleistung, die sie einander in krafft natürlicher zuneygung, zugelassener Beilag vnnd Ehkoppel, nottringliches beistands vnnd freiwilliger zusag schuldig, ein rechtmeßige Eh, die Contrahenten vnd verlobte aber Ewige Ehleut, vnnd eins leibs genosse geachtet, bestimmet vnd gepreiset.

Next part



This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.