TITUS
Johannes Fischart, Geschichtsklitterung
Part No. 248
Previous part

Paragraph: 8      Aber des genäsches war nur zu viel für vier Personen, also das es vnmöglich war lang zu halten, Page: 152   dann es wer ob einander erfaulet vnnd erstuncken13, wie der Papirer Lumpen, welchs sich nicht gebüren wolt. Derwegen ward beschlossen, auff daß der Plunder nicht vnnützlich verdirb, vnnd auß dem weg kem, den Rucken darhinder zuthun, vnnd es weydlich, vnd neydlich auffzureiben. Hiezu worden durch das Orlandisch greuelhorn auffgemanet die Schlegel Leuten Leut vnnd wangenlanggeübte Kunden auß dem Trettacher, Iler, Irracher vnd Breytacherthal, Eßfeld14, Page of re-edition: 120  Eßlam, Eßlingen, Darmstatt, Lebersweiler, Arsfeld, zum Gefräß, die von Langenwangen, Langweyd, Hindenlangen, Langenlumpen, Sibenwürst, Saurmund, Bautzen, Küchel, im Gewäng, Gemündt, Bömischem Brot, Schmärmeusel, Langenzän, Elwangen, Kolwangen, Honigspittel, Wangenstantz, Haltenwangen, Nesselwangen, Eyterwangen, die zu der kalten Herberg, zu der Fetten Hennen, zur Anricht : Welche auch die von Ißne, Füssen, Geckingen, Mundelheim vnnd andere Gurgelschmirer mitprachten : Vnnd solche erschienen alle von wegen Wolffmägiger Brotmeyerei. Aber von wegen Weinschlauchitet vnnd Birpausitet worden mit der Sturmglocken zusamen gelitten, sonst machtloß gut gesellen, die von Bachi rach, von Wachbach, Bachern, von Koburg, Bamberg, Rube aqua, Wartwineler, Hebwineler, Gebwineler, Neuwineler, Schleckstatt, Weinfelden, Ketwein, Weinam, Weinmar, Glettwin, Krügel, Schadwin, Kitziwin, Lamenhand, Sedelbach, Feucht, Weichmichel, Merding, Buntzel, Dinckelspül, Daubsal, Kandstatt, Treckshausen, Hopfica, Springlingen, Kelberbach, Eselbach, Herbsthausen, Haslach, Rebenmund, Haubenweißheit, die zum Bauren, zur Frawen, zum Geuatter, zur Höll : Page: 153   Vnd sonst Sanct Vrbans Jünger vmb15 Ensheim, vnd Ritter des ordens von S. Otmars Lägeleflüß, vnd was das Glas heben vnd geben, wenden vnnd legen, halten vnd pringen kont, experte vnd diserte auff guterruff rencken, vnd angster schwencken.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.