TITUS
Johannes Fischart, Geschichtsklitterung
Part No. 307
Previous part

Paragraph: 20      Zu seinem Hütlin worden genommen drey hundert zwey Pfund Jenueser gewicht 'à la grossa', thun in Venedig subtili 86 Pf.70 Taffet, dann wie wolt ein Huter eim jeden Narren ein rechten Hut auffsetzen : Derhalben ließ ers jm inn die Form giesen nach seinem runden Schedel : Der war wol bestulpet, berondelet, bewolltzottet vnd vberhängig wie die Altdickitetische tächer zu Ach, Cöln vnnd Metz, vnd die Fürmännische rotte71 Schweitzer Paret, das es eim auff der Achssel lag vnd den Regen abtrag, vnnd darauß sah wie ein Schiltkrott auß der Schalen. Dan sein Vatter sagt, daß die heutige Hütlein auff Marabesisch, vnnd die Zigeinerschlappen, auch die Mastrichische groe vnd rusige Page: 227   Hüt, vnd die Braunschweigische glattwollige gebichte Beckelhauben, darmit man die Hüner vff dem garten72 tod wirfft, vnd die wie ein Pastetensatz gestaltet, etwan einmal jhrer beschorenen wollen werden vbel lohnen : dann ich mein lebenlang nichts närrischers gesehen, als elenlange vnd klaffterpreyte Hafften auff dem Hut. Was sollen hafften Page of re-edition: 176  auff dem Hut, setz sie darfür wie vnser Pantagruhel an den Latz, dann er ist heut wol so wild vnd vnrichtig73.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.