TITUS
Johannes Fischart, Geschichtsklitterung
Part No. 344
Previous part

Paragraph: 17      Wann sich nun die ergetzlichkeit inn das Gesicht schicket, reicht es folgends einwertz zum hertzen, welches alsdann von fürtreflicher freud innwendig gar zerlöset, ein offentliche erlassung des lebhafften Geistes verursachet. Welche folgends also vbermässig mag zunemmen vnnd außgelassen Page of re-edition: 189  werden49, daß ein hertz warhafftig von seiner auff vnd vnterhalt kan entsetzt, entblöset vnd beraubt werden : vnd also folglich das leben auß Pericharischer vberfreudigkeit verlieren vnnd erleschen, wie Galen : sagt 'lib. 12 Method : lib. 5 de locis affectis', vnd 'lib. 2 De Symptomaton causis'. Vnnd wie solches Mar. Tull. im Ersten Buch Tusculanischer fragen, auch Verrius, Aristotel, Liuius, nach der Schlacht vor der Cannen geschehen sein bezeugen. Jtem Plini lib. 7 c. 32 vnd 53. Aul. Gell : lib. 3. 15 vnnd andere vom Diagora von Rodo, vom Chilon, Sophocle50, Dion dem Tirannen von Sicilien, Philippide, Philemon, Polycrate, Philistion, M. Juuenti, Bapst Julio vnnd Leo, die alle vor freuden starben51 : darumb muß man sie, wo sie jetzund sitzen, mit kaltem Wasser beschütten, sie lachen sich sonst wider lebendig.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.