TITUS
Johannes Fischart, Geschichtsklitterung
Part No. 345
Previous part

Paragraph: 18      Wie deßgleichen auch Auicen im 2. Canon vnd im Buch von den Viribus des hertzens schreibet vom Safran : welcher also das hertz erfrewet, daß er einen zu tod kützelt, vnnd durch vberschwenckliche vnd vberflüssige erlassung,52 Dilatation vnd verstreyung das leben nimpt, wann mans zu vil vber Page: 245   sein maß53 einnimpt. Hiezu hebt vnnd leset auch den Aphrodisischen Alexander im ersten Buch inn der 119. frag. Vnnd diß auß vrsach. Vnnd auß welcher? Hey kleine Häflin lauffen bald vber. Ich vertieff mich zu ferr inn diser Materi, wiewol ichs zu anfang nicht im sinn gehabt. Derhalben laß ich hie mein Segel nider, vnnd spar das vberig inn vnser Vollendal. Vnd schließ entlich54 mit eim wort, jr wolt55 mir wie ewerem Beicht Vatter diß falls glauben56, blaw bedeut gewißlich den Himmel vnd Himmlische sachen, gleich wie das Weiß freud vnd lust bedeut. Weiter darff ich nicht sagen, dann wann man ein ding zu vil lobet vnd liebet : gemeynlich viel falsches damit vnterstiebet : Vnd wie man spricht. Wer sein Fraw lobt vnnd sein Kunst, der käm jhren gern ab vmbsonst. Ach ich hab viel zugedencken, wie der Schultheiß im Bad, der nicht wußt, ob er gezwagt hatte.



Page of re-edition: 190 
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.