TITUS
Johannes Fischart, Geschichtsklitterung
Part No. 425
Previous part

Paragraph: 9      Also reyseten sie jren weiten weg mit gutem mut, allzeit lustig vnd frölich, machten allenthalb Page: 283   gut Krabatisch geschirr, gut Pfeffer gut Reißmuß, gut Baurenküchlein, inn allen Herbergen stunden jhre Namen jmmatriculiert an Wenden vnd Läden : Biß sie vber Orleans kamen : Allda was ein weiter breiter Wald, in die läng auff treissig fünff Meilen, vnd inn der breite sibenzehen, drunder vnd drüber21 vngeferlich : Derselbige war grausam fruchtbar, vnnd voll von Brämen oder Kühfligen, also daß es für die arme Thier, Esel vnnd Pferd, die da durchzogen, ein rechte Rauberei vnnd Mörderei war : Sollen, wie Tillet schreibt, von den Völckern Rhyzophagen oder Wurtzelfressern dahin gebant vnd verflucht sein worden, als sie gar auß der art der andern frommen Brämen schlugen, vnd nicht mehr, wie vor, jnen ein beistand thun wolten, vnd die Löwen tapffer anpfetzen, wann sie im Wurtzeldelben jnen hinderlich sein wolten. Aber vnsers Gurgelstrossa22 Lastmaul rach allen vnbill, jm vnnd seins gleichen Geschlecht bewisen, sehr redlich an jhnen, vnd dasselbige mit eim solchen Duck, dessen sie sich am minsten versehen hetten.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.