TITUS
Johannes Fischart, Geschichtsklitterung
Part No. 433
Previous part

Paragraph: 7      Damals, wie diß geschach, pflegt das Volck Hurnaussen weiß, Legionisch vnnd Belzenbubbisch, dürmisch vnnd stürmisch zusammen zukommen an dem Ort, so Neßle genannt, vnnd da damals, (heut nicht mehr)41 das Luletisch42 (nicht Luterisch, dann diß kam hernach inn die Jacobsstraß vnnd vnder S. Hugons Thor) Oraculum, oder Weissagergeistung war. Daselbst43 ward der handel fürgebracht, vnd der groß nachtheil so auß verwendung der Glocken besorglich entstehen möcht erwagen. Als sie nun wol argutirt die köpff erschüttelt vnd die händ darüber erklopfft hetten 'pro & contra', ward jhm 'Baralipton' entschlossen, daß man die ältesten vnd fürnemesten auß der Facultet zu dem Gargantua solt44 abfertigen, jm den grausamen schaden vonwegen der verlorenen Glocken fürzuhalten. Vnnd vnangesehen, daß etliche von der Vniuersitet jr hochbesinnlich bedencken hetten, das zu disem geschefft viel meher ein Page of re-edition: 225  Politischer Orator als ein Sophist vnnd Scotist zugeprauchen wer, ward doch zu diser Legation vnser Meyster Janotus de Bragmado für gut erkant,45 benant vnd gesandt, als ein zimlicher vnverschamter Janepetischer46 Ignorant vnnd Teologant : dann jhr erfahrt ja heut wol, daß es deß besser inn der Welt steht vnd geht, weil man Cantzel vnnd Cantzelei vermenget.



Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.