TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 439

Paragraph: 7 Damit auch²⁹ der alt Scheisser vnnd Wuster Bruchmatt, deß Murners von der Gauchmatt Vetter sich nicht vberheb, als ob man auff sein Naßansehlich anlangen die Kirchenthurnschellen³⁰ hett wider geben, befahl man zuforderst, dz, vnder deß³¹ mein safftiger Herr von Bruchmatt einguß vnnd einsurffelet, man den Stattvogt, den Rector der Facultet, vnd den Pfarrherr beschicket. Vnnd jhnen, eh der Ehrwürdig Liripipich Sophist sein Commission anprächt³², die Glocken vberliefferte³³ : Vnnd gleichwol nachgehends inn jhrem anwesen, seine schöne Red anhörete³⁴ : Dann man sah es jhm an, daß er mit etwas Schwanger gieng, also strotzt er den Bauch, Plapperet mit dem Maul, spilt an den Hafften, vnnd räuspert sich mit³⁵ allen kräfften. Matz hast ein Hemd an, so wisch mein schnuder vnnd strauchen dran.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.