TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 456

Paragraph: 5 Derhalben erzeigt Gurgelstroß¹³ deß Kölers Glauben, nemlich daß er wer wie seine gewesene Zuchtpfleger, welche¹⁴ wie er, das Pfleg Kind warn¹⁵. Dispensirt, diätirt, vnnd theilet seine zeit solcher gestalt auß, daß er ordenlich zwischen achten vnnd Neunen kein rhu im Bett hett, es war Tag oder Nacht : Dann also hetten jhne seine alte Zuchtregenten vnderwiesen, vnnd dazu den spruch angezogen, da Dauid spricht, 'vanum est vobis ante lucem surgere'. Darnach wann er erwacht¹⁶, gumpet, plitzet, strabelt, geilet, rammelt vnnd hammelt er ein weil im Bett herumb, die leblichkeit der sinn vnnd mütigkeit deß Geystes vnnd fleisches etwas auff zumuntern vnnd zuerfrischen : Dann er ließ die Hund sorgen, die bedörffen vier Schuh.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.