TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 457

Paragraph: 6 Darnach thet er sich nach gelegenheit an, nach des Grobians zwölff Römischen Tafeln : dann die Morenkübelitet Erasmi war noch nicht auffkommen. Aber gern trug er einen grossen langen Rock von grosser auffgeribener oder aufgetribener Page: 309 kraußrauher Woll, mit Füchssen gefütert durchauß, nicht daß die Schaf die Füchß än das ort auß gebissen hetten, wie etliche heuchlerische beltz. Folgends strält er sich mit eim Bömischen sträl, der war vier finger vnd der daumen, welchen er warlich nicht vmb dein halb Reich geben hett. viel weniger vmb einen pleienen sträll, damit man die grauwen Haar dunckel macht. Dann seine Preceptores lehrten jhn, daß wann man sich anders strälet, wäschet vnnd wischet, wer es so viel, als die zeit vnütz verlieren vnnd mißprauchen.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.