TITUS
Johannes Fischart, Geschichtsklitterung
Part No. 458
Previous part

Paragraph: 7      Nachgehends schiß er, pißt er, fartzt er, seicht er, erprach sich, rib sich : streifft sich : juckt sich : dänet sich : stach ein stund säuren auff : niset : kodert : göwet : ginet nach dem Leinlachen : steuret vnnd rib die Zän : Hustet : Schweiset : Plutet : Bekotzet vnnd schneitzet sich wie der best ErtzPriester : Page of re-edition: 240  der jetz die Kantzel antretten soll. Wann er sich nun also vberworffen vnd purkratzet het, nach der Regel (Schüt nicht ein neuwe schnabelweid, du hast17 dann vor die alt verdäut, welche wird vernummen, an dünnem speichel, vnnd magenprummen)18 so nam er als dan die Morgensup ein, dadurch den Nebel vnnd den Dau zulegen, vnnd sonst von des bösen Luffts wegen, als schöne Fenchelwürstlin, geröstete züngleinstucklin, beim Berte Pfaffenbißlin, gröstets Katzengeschrei, Euterprätlin, schöne Wampen vnnd Schuncken, oder feißte Hennensüpplin, Kindbetterprühlin, Weinwarm, Matzisprülin, von der ersten sut.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.