TITUS
Johannes Fischart, Geschichtsklitterung
Part No. 459
Previous part

Paragraph: 8      Ponocrates zeigt jm etwan an, daß er nicht so bald vom Bett sich bekröpffen solt, eh er zuvor eine vbung vorgehabt het. Da antwort Gargantubal19 : Was? hab ich mich nicht genug geübt : Ich hab mich wol20 siben tag im Bett herumb gekälbert21 eh ich auffstund22 : Ist das nicht genug? Bapst Alexander Page: 310   that jm doch also auß rhat seines Jüdischen Artzet, vnnd lebt seinen Neidigen zu leid, biß er starb. Auch haben mich meine erste Lehrmeister darzu gewänet, vnd gesagt, das früstücken vnnd die Morgenzechelin gute gedächtnuß machen, darumb prachen sie mir allzeit vor das eiß, vnnd bestachen mir den Rein, vnnd trancken am ersten ein guts Positzlin ein. Ich befind mich mechtig wol darbei, vnd mag nur des mehr zu Mittagimbiß essen : vnd mein alter Meister Tubald23 (welcher der Oberst24 seiner Licentz zu Pariß war) Predigt mir offt, das diß nicht gar der vortheil sey, geschwind lauffen, sonder bei zeiten ablassen zuwissen. So ligt auch nit die gantz total häl gesundheit vnserer Menschheit an dem, das man wie die Canes lapp, Schlapp vnnd Läpper, vnd tropffen für tropffen Schupff, sonder viel mehr an dem, daß man fein frü trinck : 'Vnde Versus'? Frü auffstehen ist nicht gut, Frü trincken noch das best thut.25

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.