TITUS
Johannes Fischart, Geschichtsklitterung
Part No. 495
Previous part

Paragraph: 31      Herr Kundlob106 Arbeitsam beredet solchs Mischmesche, vnd zeigt jm an, wie es gar ein böß vndiætlich wesen sey, gleich auff das schlaffen die Zung netzen vnnd schleiffen. Da antwortet Gargantua, Was sagt jhr? das ist das recht war leben der Vätter. Dann von Natur schlaff ich gesaltzen, der schlaf ist das Saltz des Lebens, vnd daß schlaffen hat mich allzeit so viel Schuncken gekost. Das ist die recht Ortographi auff fressen vnnd sauffen. also erlangt man des Theophrasti lang leben : lehrnet man doch inn der Dialectick. 'Qui benè bibit, benè dormit', Wer wol saufft, schlaffet wol, wer wol schlafft, sündiget nicht, derhalben laßt vns sauffen vnnd schlaffen, daß wir nit sündigen. Ich halts mit dem alten glauben, der frißt kein Stiffel er sey dann geschmiert : Wer nicht alt will werden, stoß den halß jung am Galgen ab.

Page of re-edition: 257 
Page: 331  
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.