TITUS
Johannes Fischart, Geschichtsklitterung
Part No. 499
Previous part

Paragraph: 3      ALS Kundlob7 von hohen Rhumsteg die vndietlichkeit vnd schädliche weiß zuleben seines vndergebenen Gurgelmans8 erkant9, Page: 333   ward er zu rhat jhn in studierung guter Künst anders anzuweisen. Aber10 vbersah es jm die ersten tag, inn betrachtung, daß die Natur die plötzliche änderungen wegen der gewaltsame, on verdrüßlichkeit11 nicht wol vberstehet vnd außhart. Derwegen solch sein vorhaben füglicher ins werck fort zusetzen, bat er ein Weisen Artzet derselbigen zeit, genant Herr Theodor Lilgenkol oder Lüllenkul (vom geschlecht des Ehrwürdigen Latinzarten Herren 'Lilij', dessen der 'Priscianus vapulans' Kautreckkodrisch wol gedencket) darauff bedacht zusein,12 den Gargantubald13 auff bessere pfad zubringen : Er 'Cullingius' etwas klüger, doch nicht glückhaffter, als der Baur, welcher ein heilige allgmeinhilffliche Purgatz seinen verlohrenen Esel zufinden einnam, vnd denselben als er sich zu pflütteren beim Zaun nidersetzet, durch die Hurst ersahe : gieng gleich hin vnd rüstet jm ein Teuffelsbannige scharffe Purgatz von Anticirischem Helleborischem Nießwurtz zu, gab jhm die ein, vnnd reiniget jhm damit alle verruckung, verschupffung, alteration vnnd verkehrte disposition14 vnd vnwesenlichkeit Page of re-edition: 259  des Hirns. Wundert euch diß, es dundert noch schlägt doch noch nicht. Es hat doch der Warsager Melampus (der also genandt ward von dem einen schwartzen fuß : dann als jhn sein Mutter Kindsweiß inn ein Wald ließ vertragen, ward15 jhm inn der eil alles verdeckt ausserhalb eim fuß, welchen die Sonn gar schwartz brante) derselb Schwartzfuß hut mit der schwartzen Nießwurtz, oder Daubmäl, des Königs Proeti vnsinnigen Töchtern wider zu recht geholffen, vnnd die ein Tochter Hüpschnäßlin darmit verdienet. Hat der nicht wol genießt, so sagt jhm, Gott helff euch. Was sag ich vom schwartzen Mäl am Fuß? Carneades der Philosophus mit den langen Page: 334   Negeln, hat nimmer ein Buch anfangen zuschreiben, er hat zuuor die schwartz Christierwurtz (welche die Narren Christwurtz nennen) gebraucht. Darumb haben alle Würtzler vmb Bingen vnnd Mentz, auch damals, als 'Lingeculius' für vnser Strotzgurgel das Recept macht, die Clistierwurtz auff der Ingelheimer Heyd all ergraben vnnd zutragen müssen, also daß es die Venediger, denen mans hieuor Ruckörbenweiß zugetragen, sehr geklagt, auch die Bingheimer Meuß, so deren gelebt, vor leid seidher gestorben. Nun mit disem Hirnhölenborn bracht Kundlob zuwegen16, daß er alles das, welchs er zuuor vnter seinen alten Lehrmeistern eingesogen, vergaß, gleich wie etwann der Musickünstlich Meister Timotheus17 seinen Lehrjüngern that, die zuuor von anderen Musicweisern vnderricht waren worden. Darin nicht weniger18 müh ist, böse angenommene vnart abzugewinnen, abzuziehen vnnd zuentwehnen, als von Newem zu rechter weiß anzuführen, zugewehnen, vnnd gute art zuentlehnen. Derhalben19 solches bekömmlicher außzuführen, führet er jhm zu Gefehrten vnd Gesellen zu, weise Leut, alle die er da antreffen mocht : auß welcher beiwohnung er jnen änlich zu sein oder vortrefflicher zuwerden, auß eifer entzündet, noch großmütiger ergeysteret vnnd hertzhaffter ermanet, einen begirlichen gelust vnnd sehnliche begird bekam auff andere gestalt sein studieren anzurichten, vnnd sich auch wol begabt von angearteter scharffsinne zuerweisen. Dann es jhm auch jetzund anfieng an die Bindriemen, wie dem Hercule, zugelangen : Da jm auff dem wegscheid Fraw tugend mit Buch vnnd Rocken, vnnd Fraw Wollust, mit Lauten vnd eim Weinkelch der Hurn in der Offenbarung Page of re-edition: 260  bekamen, vnd jede auff jhren weg jn bereden Page: 335   wolt. Derwegen solchen mut nicht vnder der Aschen erstöcket ligen zulassen, sondern mit dem Blaßbalg strenger anmanung vnd vnabläßlicher übung mehr auffzublasen, richtet jm Kindlob20 sein studium auff ein semliche weiß an, daß er nit eine tagstund vnnützlich verzeret, sondern all sein zeit inn Schrifftgründung vnd ehrlichen zu Weißheit förderlichen künsten vnd übungen zubracht. Also ward alleweil Gargantua dahin gewänet, daß er vmb vier vhren morgens erwachet. vnd vnder deß er sich mit eim helffenbeinen Sträl, von gantzen Helffanten zänen zusammen gefügt, kämmet, vnd mit eim höltzinen Reißbürstlein das Haupt kratzet vnd rib21, laß man jhm etwas auß heyliger Geschrifft22, mit verständlicher prononciation23 durch einen jungen Knaben, bürtig auß dem Land, da man (Kompt jhr)24 grüsset, genannt Anagnostes : Darauff kondt er Gott des andachtiger anruffen :25 dann was der Mund annimpt zukauwen, daran hat der Magen zudauwen. Was darff man viel Page: 336   Bettglöcklein? seinds Puff oder Stoßgebettlein, so gibt eins jeden anligen genug Notpüff vnnd Notstöß zum Gebett : derhalben behulff er sich nit der Gebettformular, die heut ein jeder Cantzelstand vnd Predigstulbeschreiter zusamen klittert, damit er auch wie ein Schwalbennest am Hauß, an Doctor Geßners Bibliotheck oder ins Suppliment zugeflickt werde : aber sie werden mir im andern theyl zur Liberi noch wol bekommen, vnd wird sie kein Lumroff schützen, es sey dann ein frommul. Folgends gieng er zur heimlichen reinigkeit, sich der natürlichen däuungsmateri zuentladen. Page of re-edition: 261  Demnach widerholet sein Preceptor was gelesen war worden, vnnd legt jm die schwerverständlichsten puncten auß. Kehrten alsdan wider vmb, vnnd besahen gelegenheit des himels, ob er noch solcher gestalt, wie sie jn den vorigen abend gemerckt, geschaffen : Vnnd inn was zeichen Sonn vnnd Mon denselben tag gang, vnnd solche ohn die Nörnbergischen lebendigen Aeurlein, vnnd ohn ein26 Vhrwerck im Mönster zu Straßburg : Allweil man diß vorhett, vnder des war er angethan, gestrält, vom Schuh biß zum hut, außgebutzt, geräuchert vnnd erlabt, also das wann er nur gebeicht het, wer er mit dem nechsten pergamenseligen in27 den Himmel gefahren.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.