TITUS
Johannes Fischart, Geschichtsklitterung
Part No. 501
Previous part

Paragraph: 5      Alsdann, wa es jm gefellig33, fuhr man inn der Lectur fort, oder wa nicht, fiengen sie an kurtzweilig sich mit einander zubesprachen, vnnd gemeinlich zum allerersten nach form des Philosophischen 'Mensæ', oder der Plutarchischen Gastreden oder Zechkallung, von krafft, Tugend, stärck, eigenschafft vnd Natur alles dessen, was jhnen zu Tisch auffgetragen ward : als von Prot, Wein, Wasser, Saltz, Speiß, Fischen, Früchten, Ops, Kraut, Wurtzeln, vnd wie34 solch stuck auffs gesundest vnnd nach dem Mentzischem Kochbuch zubereiten. Mit welcher Tischweiß er inn kurtzer zeit alle die örter vnd allegationen, so zu disen sachen auß dem Plinio, Atheneo, Dioscoride, Polluce35, Galeno, Porphirio, Opiano, Polybio, Heliodoro, Aristotele, Eliano vnnd anderen, so hie von etwas gedacht, angezogen vnd gefunden werden, kondt wissen, vnnd ohn sondere müh ergreiffen : Pflegten auch offt, meherer vergwissung halben, die gemelte Bücher vber Tisch darzureichen. Dadurch er benante stück also fein vnd vollkommenlich inn gedechtnuß behilt, das damals kein Medicus war, der halb so vil het verstanden36 als er. Darnach redeten sie wider von den desselben Morgens gelesenen Lectionen.37 Zu letzt endeten sie38 jhre Malzeit mit eim Catoniatconfect39, oder küttenlatwerglin, mit korkraut vermengt : da fieng er an ein weil seine zän mit eim gespitzten Gribelspißlein40 vom41 Mastichbaum zusteuren, seine hend vnnd augen mit frischem Wasser zuweschen, vnd endlich mit etlichen schönen Lobwasserischen, Marotischen, Mentzerischen, Waldischen, Wisischen etc. Psalmen vnnd lidern, zu lob Göttlicher mildgüte gemacht,42 danck zusagen : Page of re-edition: 263  Als nun diß fürvber, Page: 339   trug43 man Karten auff, nit zuspilen, sondern vil hundert geschwindigkeiten, kurtzweil vnnd neuwe fündlin zu leren vnd zulernen : welche alle auß der Rechenkunst entstunden : durch welche angeneme weiß er ein lustneigung zu derselbigen zalkunst bekam : wie auch wol sonst viel ohn Karten, wann sie nur vil gelts zuzalen hetten44 : O rimpffen lehrt fein rechenen. Vnnd also pracht er alle tag nach Mittag vnd nachtjmbiß die zeit auff das kurtzweiligst zu, wie45 man auff Würffeln vnnd Karten erdencken mag. Auch verstig er sich inn derselben Plätterkunst vnnd Augenrechnung also hoch, daß er beides46 inn der Theorie vnnd Practic, inn ertürung vnd erprechung derselbigen vortreflich ward berümt47. Dann48 Tunstal der Engelländer, welcher weitläufig davon geschriben49, selber jhm den Preiß gab50, vnnd bekandt, das er inn vergleichung seiner, weniger darinn als inn Knifwendischer, Frisischer, vnnd alter Britannischer Wallischer sprach verstand. Vnnd nicht allein inn deren, sondern inn anderen Matemathischen Weißheitkundlichkeyten vnnd erfarungskünsten nicht minder, als inn Geometry, Astronomy vnd der Music. Dann inn dem er der verdäuung vnd Konkochsion seiner eingenommenen Speiß außwartet, rüsteten, vnnd Zimmerten sie daneben viel tausend lustige Instrument vnd Geometrischer Figuren : vbten vnd Practicirten also damit die Astronomysche Hauptregelen vnnd Canones : so gut als het sie Gamnitzer, Apian, Lescher, oder sonst ein Eysenmenger von Weil entworffen.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.