TITUS
Johannes Fischart, Geschichtsklitterung
Part No. 518
Previous part

Paragraph: 10      Warlich diser Bettelschamischer Mammonischer Schaffner, ist ein warer Sam der Welschen Practic, de tri vnnd Wechsselrechenung der vortheyligen spitzigen griflin, der hat die Kauffmännische Beutelzauser vnnd Geltmauser, die Genuesische, Florentzische vnnd Venedisch57 Buchhaltung gelehret, vnnd wie man die Handtwerck soll vertrucken : Fretten vnnd spötten, an, vor vnnd hinderkauffen : Blutwucheren, vnderm Wucherhütlein spilen, die Müntz verwechsselen, vmbschlagen : außlesen : beschneiden : befeyhelen : mehr nemmen dann geben : Drey Leiptziger Märck vnd ein Franckforter Meß jeden fünff vom hundert gibt auch 20. O Neschehbeisser, Tarbit, Diebraht, Koirtmeister auß Hellenengelland : O Regenspurgischer Mosche, der sagt, wo ich wone, daselbst sind die Hirten nicht theur, O Ribbis : 'Vsurupinæ58, Corrosuren'59 : Wachenwucherer : Zeitverkäuffer : Zeitfinantzer : die theurer verborgen dann vmb bereit Gelt geben : Geitzaugen, im Sack verkauffen, Schade Page of re-edition: 286  Loth, Waarbefeuchtiger60, Wollnetzer, Ingwerbeschwerer : Farbenänderer : oben das hüpsch, vnden das ärgst : Page: 370   Ja oben vnnd vnden hüpsch, vnnd inn der mitten der61 ärgst, da heißts nicht 'in medio consistit Virtus', wie der Teuffel zwischen zweyen alten Weibern : Jtem verfinsterer vnnd verhencker der Gewälb vnd Gäden zum augen verblenden : dise wird Bodinus gewißlich auch vnder die Zaubergeschlecht rechnen, weil er der Augenblender vnnd Vergauckler keyn gnad will haben : Jtem Elenzucker, meßschürtzer, da vns des messen62 theurer als bey den Pfaffen ankommet, also heißts, auß dem befürtzen63 kommen ins bescheissen : Zahlverwerffer : Gewichtfälscher : Eisern werden : Bubenfreiheitsucher : da billicher vor dem Thor das Galgengericht jr Freithoff vnnd Kirchoff were : Ja laß mich ledig des dritten Pfennings, so zahl ich das vberig : O Quinquernellisten : Wahrvermenger, Blindenkauffgeber : Stulreuber64, die darnach die Strauchdieb vnnd Strassenräuber müssen strecken, damit der Schelm den dieb straffe. 'O Campsortes Banquarij', Müntzwescher, Müntzwelsche, Müntzfelscher, Müntzschmeltzer, jr werd des Contrabantz nicht Reicher, der Teuffel hol dann den letzten. Etwann feurt man die Heyligen, vnnd verbrannt die, so die gemein Müntz entheyligten, jetzund Feurt man die gemeynes Nutzes entheyliger, vnnd tregt sie schier auff den Henden, vnnd verbrennt dargegen die Heyligen. O Müntzringerer, Müntz schwecher, Müntzabgieser, müntzaufzieher, müntz Contrafeiter, O wie wird man euch für zerschrickte Ziesalien oder Pagament im Höllchimischen SchmeltzDigel granuliern, als wann man euch vber Bäsemreiß schüß : Ja diesen Diebischen grempel wissen auch wol die, so Sperber auff der Hand tragen, damit sie nur des Sebastians Francken Adler war machen, das krumbschnäbel müssen geraubt haben. Page: 371   Ach wo bleiben die Thurnierarticul? mancher schilt heut einen ein Pfeffer Sack, der eben an dem bein hinckt, manchem wehrts nur das 'Posse', das 'Velle' wer genug da. Jhr köndt das dienst oder Gnadengelt zu der gelihenen Hauptsumm schlagen : Aber was gwint jhr mit euwern einreuten vnnd leisten, Fürsten bleiben Fürsten, wann jhr schon die Kachelöfen einschlegt, vnd den Pferden Zuckererbes inn den Roßbaren schütt : die Witwen vnnd Weisen, die jhr verderbt, werden genug Raach vber euch schreien, alsdann nemm euch der Teuffel zum Giselpfand : Der möcht euch auff Page of re-edition: 287  kein Rad Malen, vnd an die Kacken hefften, sonder euch gar auffs Rad den Rechten einsatz vnd das widergelt geben, auff eitel Longins Judenspiessen : da hütet euch jhr Herrn, welche gelbberingelte vnnd vngberingelte Juden den Vnderthanen zuschaden ziehet. Leut die man im Ellend solt behalten, den hülfft man zu Reichthumb von aller heyden Hemdath der Goym, müssen als die Herrn dienen, vnnd solche dieb müsig ziehen, als wann ein Haußvatter ein pockechte Hur im Hauß ziecht, die jhm sein Sön vnd gesind vergifftet. Ja versprech mir mein wahr, daß deiner des theurer ohn werdest : Verkauff mir die Frucht auff auffschlag : Ley mir auff die saat : deins abwesserens vnd abreissens bedarff der Müller Herrgot : Ich leih den Leuten drumb kein gelt, das sie bey mir malen solln, Ey thu jm ein vererung, so laßt er dir das Gelt lenger : Ich laß mich nicht ehe zahlen, die Müntz ändere sich dann : die loß Müntz muß man eim studenten, oder Landsknecht, oder eim der hinweg ziecht anhencken : ich muß mein dienst deß höher anschlagen : O Schadewacht, Leg mir lieber schloffen : Ist dann dein gelt Hasenart, welche zugleich geberen, andere jünger Page: 372   auffziehen, vnnd sich wider belauffen, so hetz dich der Lucifer. Auß diesem sind viel andere gute Bößlin entstanden65, als daß man Fremde Pracht vnnd leichtfertigkeit hat eingeführt, vnd wie Cæsar sagt, mit der Wahr auch die gefar der Laster gar, die Seidenspinnwep, die zufuhr dem Feind Wehr vnd Wafen66, das Möntzgerberliren, das PostPapir wigen,67 steigern, auffnemmen, anlösen : weinjudentzen, kornratten, mit den Protmäusen mählgrempelen. Ja, ich behalt mein Frucht biß Sanct Gregor auff eim Falben Hengst daher Reut : Hui Teuffel schlag dem Faß den Boden auß, vnnd schliff inns Korn vnnd fahr zum Tachfenster auß : O jhr getauffte Juden, vnnd elementsbodenlose ertzhertzen vnnd Landrantzioner, gelt der Reimenweiß Eulenspiegel kan euch Schimpffsweiß im lxx. Capitel fein treffen, mit den steinenen Stulräubern : Darumb prechen euch auch die Stül, weil68 jhr so gar schwer steinen seit, wann schon euwer Häuser, vom Plutschweiß gemörtelte starcke Pfeyler haben : Was achts er, wann jhr schon Gelt auff lehen69 leihet, daß jhr Jungherrn seyet : Vnnd die Seel inn die Kist pfrengen, vnnd das gewissen vber die Oberthür an Nagel hengen, vnnd nit70 glaubet daß ein Kerleß im andern steck : Jr werd Page of re-edition: 288  mir kein Katz im Sack verkauffen, wann jhr schon zu Linsen vnd Bonen seyt gewesen : Scheisset71 all inn Prei, sagt Glockengieserhänßlein zu Nörnberg.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.