TITUS
Johannes Fischart, Geschichtsklitterung
Part No. 543
Previous part

Paragraph: 3      DIe Bittergallische Picrocholisten streiffeten, plünderten, raubten, also lang, biß sie gen Sewiler kamen, da übten sie sich erst recht, schlugen Mann vnd Weib nider, hielten mit mörden, würgen, erschiessen, also hauß, daß (wie dort geschriben steht) ein so weite Höll find man kaum, da all die Toden hetten raum : zogen alles nackend auß biß auff die Viehmagd, brachen alle Trög vnnd Kisten auff, mauseten alle Heuser vnd Gemach auß, wann jhnen ein Nagel zu hoch steckt, warffen sie mit den Faustbüchslin oder Nußbengelin darnach, also wee thats jnen, wann sie es nit erreichen konten, durchgruben die Wänd, huben Page: 394   die Böden auff, stampfften vnnd stiessen mit den Spiessen, zulaustern wo es hol wer : nichts war jnen zu heiß noch zuschwer, was nicht gehn wolt, trugen sie : suchten die Profei auß, ob etwann ein Goldbergwerck vnd Schatz darinnen leg : schnitten die Leut auff, nit zusehen, wie Nero, wa sie im2 Muterleib gelegen weren3 : sondern ob sie ein guldenen Eierstock inn den Hennen fünden4. Wiewol die Pestilentz inn mehrtheil Heusern war, lieffen sie doch inn alle, vnd stalen alles was darinnen war, nit daß sich einer darab schaudert : welches wunderlich ist, weil5 Pfarrer6, Caplän, Prediger, Artzet, Scherer vnd Apotecker7, welche sonst die Krancken pflegten zubesuchen, zutrösten,8 zuheilen, zusalben vnnd zuschmieren, alle waren9 von der Erbvergifftung gestorben oder gewichen, vnd dise Teuffelsmörder vnnd Henckersbuben kam nit ein schauderlin an : wie kompt doch das? Jrr Herren, ich bitt, gedenckt jhm nach : es ligt mir auch sehr, bricht mir manchen süssen Schlaff, als dem Prediger die Page of re-edition: 305  frag, warumb das Zanweh im Scherhauß vergehe vnd inn der Kirchen recht angehe : warumb das Feber in der Kirchen sich mehrt, vnd im Wirtshauß eher auffhört : warumb die Flöh den Weibern in der Kirchen am auffsetzigsten sein, Die Pest belangend, lehrt ein Genffischer Apostel inn zwoen Questionen, es sey nichts bessers darfür, dann ein gut new par Schuch, vnnd dieselben von dannen gebraucht, biß sie brechen : Oho so käm ich mit Holtzschuhen zu spat.10 Nach dem nun die Statt11 also zugerüst vnnd außgesacket war, lieffen sie mit hellem geschrey der Abtei zu, aber sie fanden sie wolverrigelt vnnd verschlossen : derhalben zog das fürnembst Hör fürüber auff den Furt von Vede, außgenommen siben Fänlin Fußvolcks vnd zweyhundert Spiser, die da bliben vnd die Mauren des Klosters Page: 395   stürmeten, auff dz sie den Herbst gar verderbten. Die arme Teuffel, die Mönch, wußten inn solchem trüppel nicht zu welchem jrer Heiligen sie sich solten geloben : gleichwol auff allen fall läuteten12 sie 'ad capitulum capitulantes'. Darinn ward beschlossen, das sie ein stattliche Procession halten wolten, mit starcken Ora pro nobis vnd Litanien 'contra hostium insidias', vnd mit schönen Responsen 'pro pace' gespickt vnd gefütert.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.