TITUS
Johannes Fischart, Geschichtsklitterung
Part No. 558
Previous part

Paragraph: 5      Dises vnd noch meher bedacht vnnd handelt vnser abgesandter Höralt Herr Gallet mit jhm selber biß er für den Furt zu Vede kam, da erkündigt er bey dem Müller, was es für ein gestalt mit König25 Picrochol habe : der zeigt jm an dz jm desselbigen26 Volck weder Han noch Henn gelassen, vnd sich in Clermaltburg geschlagen hette : Vnnd daß er jm nicht rhaten wolt ferner fortzuziehen, vonwegen der Wacht, dann sie weren Teuflisch wild, fressen die Nuß vnauffgeklopfft, vnd schissen die Kirsenstein gantz von jhnen. Welchem er leichtlich glauben gab, dann er kant den Han auff seiner Mist, vnd plieb derwegen vbernacht bey dem Müller. Morgens frü fügt er sich zu dem Schloß, pließ27 vnnd schwung die Trommet dreymal vmb den kopff, Page: 417   Page of re-edition: 322  ritt zu der halt : vnd begert mit dem König zuparlamentieren,28 Welchs als es dem König angesagt ward, ließ29 er jhn nicht in die Statt30, sondern hieß jhn vor der Statt auff dem Bollwerck seinen warten. Da kam er vnnd rüfft jhm, Was neues da sey? Was ist dein anligen? Wo scheißst her? Hierauff trug seine Sach der Legat für wie folget.



Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.