TITUS
Johannes Fischart, Geschichtsklitterung
Part No. 574
Previous part

Paragraph: 4      Als er nun gen Parille kam, nam er vom Sennenmeyer zu10 Guget kundtschafft ein, wie Picrochol Clermaltburg eingenommen, vnd den Hauptmann Wurststumpen mit eim grossen Hör auff den Forst von Vede voran geschickt, Valgaldrich einzunemmen, vnnd bereit es beschossen hab : Page of re-edition: 343  auch11 wie Vngleublichen vnnd Vnerhörten mutwill sie triben : Also daß er12 vnserem13 jungen Tyroni vnnd Kriegsneuling schier ein schrecken einjagt, vnnd nit wußt was er darzu sagen solt. Aber Lobkund14 von Hohen Page: 445   Ehrnsteig rhiet jhm zu dem Herrn von Valguion, welcher allzeit jhr lieber Bundsverwanter gewesen, zuziehen, da könten sie der sachen besseren bericht empfangen : Fügten sich darauff zu jhm, den betraffen sie gutwillig jhnen zuhelffen : Vnnd war sein rhat, daß er etliche seins Volcks außsende die gegene zuberennen, zuerspähen wie sich die Feind halten : alsdann darauß gelegenheit etwas fürzunemmen zuschöpffen. Kampffkeib15 erbot sich selbs solchs zuverrichten, doch befand man gutrhatsam, daß er einen, welcher der strassen, abweg vnd Wasser kündig wer, mit jhm neme. Zogen damit er vnd Prelingant16 von Vorleckbruch, des Vauguions Trossart, dahin, steubeten vnd spüreten vnerschrocken alle tritt vnnd spuren auß, das Wild wer inns Holtz oder herauß gangen, Kacus hett die Kü beim Schwantz hindersich oder fürsich inn die Höl gezogen, oder hett S. inn den sand gemalt, sie erschmacktens alles durch ein Lollhafen der neun Heut hat, das Fewer im hindersten Winckel, wie eine trewe Inquisitormuck, sahen Luchssenmäsig durch Neun Zäun wie ein Reyger, rochen ein frischen Treck hinder vier Mauren, wie ein AeckerSaw.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.