TITUS
Johannes Fischart, Geschichtsklitterung
Part No. 577
Previous part

Paragraph: 3      NAch dem solche wort außgestossen worden, fieng etlichen vnter jhnen das gesäß zutottern, vnnd daß Haar zugrausen, vnnd mit allen Henden kreutz für sich zumachen, vnd sich inn alle macht zusegnen : Dann sie nicht anders meinten, als es wer ein vermumpter, vergalsterter, vergstalter, fleischechter Leibhaffter3 Teuffel. Vnnd einer vnter jhnen Don Joan von Montecuculo, Hauptmann vber die Francktopinen : Zog alsbald sein Horasbüchlin auß dem Latz, oder im vberschäfftlin gleich dabei, fieng an zwen Finger ins Maul zustossen, zunetzen vnd zu pletteren vnd zimmlich laut zuschreien, Hagios ho theos, Inn principio erat, etc. Bistu von Gott, so gib ein warzeichen, bistus nicht, so pack dich hinweg : Aber er packt sich drumb nicht : Sagt 'Nolle' : Wie 'Nollis? Non, quia rumpelnas in Grammateica'. Wie, gibst nichts auff Frater Jeronimum Meng, das 'Flagellum Dæmonum : Exorciso, Exorcizo, Adiuro', bei der Schlangenhaut, die S. Paulus in der Insel Maltha am Finger beschwur. Welches Page of re-edition: 346  als es viel auß der Rott hörten, liesen sie den Teuffel S. Lönhart haben, der hat viel Ketten : vnd stalen sich ab : andere griffen vnter den Arm nach jhren Wundsegen mit Fledermaußblut geschriben : etlich machten auff Schotisch ein kreutz in Sand vnd stelten den fuß drauff, vnd flohen doch : etlich zogen jhre Kinderpälglin Page: 449   herfür, etlich abgeschnitten Diebszähen, vnd Diebstreng, auch Wolffsaugen, vnd des Bocks bart inn schwartze Katerheut eingewickelt : etlich Jungtrawpergamen mit Kinderschmaltz geschriben, die andere Krottensegen.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.