TITUS
Johannes Fischart, Geschichtsklitterung
Part No. 583
Previous part

Paragraph: 9      Welches nach dem der Gimnaste verrichtet, zohe er wider ab, inn bedenckung, daß man ein glückfällig wagstück Page of re-edition: 349  nimmermehr zu keck, soll treiben vnd vollführen zum entlichen Zweck : vnd das wolfärig glück halten ehrerbietig, es nit vbertreiben, plagen vnd bemühen zu viel frechmütig vnnd freudenwütig? Dann zu hoch gürten sprengt die Gurt, zuviel gepack zerreißt den Sack : eim flüchtigen mag inn der flucht auß scham vnd nottringlichkeit wider der mut wachssen, vnnd auß notwehr ein Todwehr machen : Es ist die alt Kriegsregel, eim fliehenden Feind baw ein guldene Bruck, daß er Page: 453   nur bald vnd sicher drüber ruck, aber vermach dem Fuchs die luck, daß er nicht wider vmbruck vnnd meh Hennen zuck. Der wegen saß er wider zu Pferd, gab jhm die Sporen, vnnd ritt stracks pfads mit seim Gespan wider zu seim Herrn : flucht vnterwegen dem Teuffel ein Bein auß dem Arß, vnnd daß linck Horn vom Kopff, er wolt jhnen auff die Kirchweih kommen.



Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.